ކިޔަވާ ކުދިބަޔަކަށް ކުޅިވަރަކީ މުހިންމު ކަމެއްކަމަށް ހަޔަރ އެޑިއުކޭޝަން މިނިސްޓަރ ޑރ. މަރިޔަމް މާރިޔާ ވިދާލުވެއްޖެއެވެ.

އެކަމަނާ މިހެންވިދާޅުވީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ދަރިވަރުންގެ ޔުނިއަނުން އިންތިޒާމްކޮށްގެން ބާއްވާ ފުޓްސަލް ފިއެސްޓާ ޝަރަފްވެރިކޮށްދެއްވާ ދެއްކެވި ވާހަކަފުޅުގައެވެ.

މިނިސްޓަރ ވިދާޅުވީ ކިޔެވުމާއި އެކުއެކީގައިހެން ކުޅިވަރު ކުޅުމަކީ އުގެނުމަށް ކުދިންނަށް ލިބޭނެ ވަރަށްބޮޑު އެހީއެއްކަމަށެވެ. އެގޮތުން ކުޅިވަރުގެ ތެރެއިން ކުދިނަށް ޖިސްމާނީ އަދި ނަފްސާނީ ދުޅަހެޔޮކަމަށް މަގުފަހިކުރުވާ، ދިރިއުޅުމުގެ މައިދާނަށް ބޭނުންވާ ބައެއް ހުނަރުތައްވެސް ދަސްވެގެންދާނެކަމަށެވެ.

މީގެއިތުރުން މި ފަދަ ބޮޑު މުބާރާތެއް ދެޖިންސަށް ހަމަހަމަކަމާއި އެކު ހުޅުވާލައިގެން ކުރިޔަށް ގެންދިއުމަކީ ލިބޭ ވަރަށްބޮޑު އުފަލަކާއި ހިތްހަމަޖެހުމެއް ކަމަށާއި، އުންމީދަކީ މި މުބާރާތުން ތިކުދިންނަށް އެކި ހުނަރުތައް ދަސްވެ، ގުޅުންބަދަހިވެގެން ދިއުންކަމަށް ވެސް ވިދާޅުވިއެވެ.