ގައުމީ ދިރާސާ ކައުންސިލުގެ ނަމުގައި ހަޔަރ އެޑިއުކޭޝަން މިނިސްޓްރީ މެދުވެރިކޮށް ކައުންސިލެއް އެކުލަވާލައި، އެ ކައުންސިލަށް މެމްބަރުން އައްޔަންކުރުމުގެ ރަސްމިއްޔާތު ބާއްވައިފިއެވެ.

އެ މިނިސްޓްރީގައި ބޭއްވި ރަސްމިއްޔާތުގައި މި ކައުންސިލުގެ މެންބަރުންނަށް ލިޔުން ހަވާލުކޮށްދެއްވީ މިނިސްޓްރީގެ ޕީއޭ އާއިޝަތު ހިކްމާއެވެ.

ގައުމީ ދިރާސާ ކައުންސިލަށް 9 މެންބަރުން އައްޔަންކުރައްވަފައިވާއިރު، ކައުންސިލުގެ ޗެއަރގެ ގޮތުގައި ހަމަޖައްސަވާފައިވަނީ އެ މިނިސްޓްރީގެ ސްޓޭޓް މިނިސްޓަރ އަޙްމަދު ޝަފީޢު އެވެ. އަދި އެ މިނިސްޓްރީ ތަމްސީލުކުރާ ފަރާތެއްގެ ގޮތުގައި ޑެޕިއުޓީ މިނިސްޓަރ އައިމިނަތު ޝަޝީ އާއި ދިވެހިރާއްޖޭގެ ގައުމީ ޔުނިވަރސިޓީ ތަމްސީލުކުރައްވާ ފަރާތަކީ އެމްއެންޔޫގެ ޑެޕިއުޓީ ވައިސް ޗާންސެލަރ ޑރ. ރަޙީމާ އަބްދުލްރަޙީމް އާއި އައިޔޫއެމްގެ ޑެޕިއުޓީ ވައިސް ޗާންސެލަރ، ޑރ. ވިސާލް މޫސާ ވަނީ ހަމަޖައްސަވާފައެވެ.

މީގެއިތުރުން ދިވެހިރާއްޖޭގައި ދިރާސާކުރުމުގެ ދައިރާގައި އަމަލީގޮތުން ހަރަކާތްތެރިވާ މުއައްސަސާއެއް ތަމްސީލްކުރައްވާނެ ފަރާތެއްގެ ގޮތުގައި ސީޑީއީ ކޮންސަލްޓިން އިންޖީނިއަރ، ޑރ.ނަޝްވާން މަތީން އާއި މޯލްޑިވިސް މެރިން ރިސަރޗް އިންސްޓިޓިއުޓްގެ ޑިރެކްޓަރ، މުޙައްމަދު ޝިމާލް ވަނީ އައްޔަން ކުރައްވާފައެވެ.

އެ ކައުންސިލުގައި ދެން ހިމެނެނީ އުފެއްދުންތެރި އިޖާދީ މަސައްކަތްކުރާ މުއައްސަސާއެއް ތަމްސީލު ތަމްސީލްކުރައްވާނެ ފަރާތަކަށް ލޮޓީ ފައިލްސްގެއިންގިނިއަރިންގ މެނޭޖަރ އޮފް އާރު އެންޑް ޑީ، ނާޢީލް އަބްދުލް ރަޙްމާން، އަމިއްލަ ކޮލެޖެއް ތަމްސީލްކުރާނެ ފަރާތަކަށް ވިލާ ކޮލެޖްގެ ޑެޕިއުޓީ ވައިސް ރެކްޓަރ، ޑރ.މުޙައްމަދު ޢާދިލް އަދި މާލީ ވުޒާރާ ތަމްސީލްކުރައްވާނެ ފަރާތަކަށް މާލީ ވުޒާރާ ޗީފް އެކައުންޓްސް އެގްޒެކެޓިވް ޗީފް އެކައުންޓްސް އެގްޒެކިއުޓިވް، މުޙައްމަދު މާއިޒް މުނާޒް އައްޔަން ކުރައްވާފައި ވެއެވެ.

ގައުމީ ދިރާސާ ކައުންސިލް އުފެއްދުމަކީ ރައީސް ޑރ. މުހައްމަދު މުޢިއްޒު، އެ މަނިކުފާނުގެ މަގާމުގެ ހުވާކުރެއްވުމުގެ ރަސްމިއްޔާތުގާއި ވެވަޑައިނެވި ވަޢުދުފުޅެކެވެ.

އެގޮތުން އުފެއްދި މި ކައުންސިލަކީ ރާއްޖޭގައި ޢިލްމީ ދިރާސަކުރުމާއި، އޭގެ އަލީގައި ފިކުރީމުދާ އުފެއްދުމުގެ މަސައްކަތްތަށް ހިންގައި ބެލެހެއްޓުމަށް އެކުލަވައިލާ ކައުންސިލެކެވެ.

މި ކައުންސިލްގެ މެމްބަރުންނަކީ "ޤައުމީ ދިރާސާ ފަންޑު" ހިންގައި ބެލެހެއްޓުމަށް އައްޔަންކުރެވިފައިވާ މެމްބަރުންނެވެ. އެބޭފުޅުންގެ މައިގަނޑު މަސްއޫލިއްޔަތުތަކުގެ ތެރޭގައި، ފަންޑުން ޚަރަދުކޮއްގެން ދިރާސާކުރާނެ ދާއިރާތަށް ކަނޑައެޅުމާއި، އެ ދާއިރާތަކަށް ކަނޑައެލޫމުގެ އުޞޫލުތަށް ކަނޑައެޅުމާއި، ފަންޑުން ފައިސާ ދޫކުރާނެ ހަމަތަކެއް ޤާޢިމްކޮށް، އެ ހަމަތަށް ތަންފީޒުކުރުން ހިމެނެއެވެ.