މޯލްޑިވިސް ޕޮލިޓެކްނިކްގެ ދަރިވަރުންނަށް ލިއޯ ކުންފުނީގެ ފަރާތުން އިންޓަރންޝިޕްގެ ފުރުޞަތުތަށް ފަހިކޮއްދިނުމަށް އަމާޒުކޮށް  އެއްބަސްވުމެއްގައި ސޮއިކޮއްފިއެވެ.

މި އެއްބަސްވުމުގައި މޯލްޑިވިސް ޕޮލިޓެކްނިކްގެ ފަރާތުން ސޮއިކުރައްވާފައިވަނީ އެ އިދާރާގެ ސީއީއޯ، ޛޫޝާން ކަމާލުއްދީނެވެ. ލިއޯ ޓްރޭޑިންގ ކުންފުނީގެ ފަރާތުން އެ ކުންފުނީގެ ޖެނެރަލް މެނޭޖަރ، މިޒާލް މުޙައްމަދު އެވެ.

މި އެއްބަސްވުމުގެ ދަށުން، ދިވެހިރާއްޖޭގެ ލޮޖިސްޓިކްސް ދާއިރާއަށް 22 އަހަރު ހިދުމަތްކޮއްދެއްވާފައިވާ، ލިއޯ ޓްރޭޑިންގ ކުންފުނީގައި އުޖޫރައަކާއިއެކު، އިންޓަރންޝިޕް ފުރިހަމަކޮށް، ޢަމަލީ ތަޖުރިބާ ހާސިލުކުރުމުގެ ފުރުސަތު ޕޮލިޓެކްނިކްގައި ތަމްރީނުވަމުންދާ ދަރިވަރުންނަށް ވަނީ ހުޅުވާލެވިފައެވެ.

މޯލްޑިވްސް ޕޮލިޓެކްނިކުން އަންނަނީ ރާއްޖެއަށް ބޭނުންވާ ދާއިރާތަކުން މީހުން ބިނާކުރުމަށް ގިނަ މަސައްކަތްތަކެއްކުރަމުންނެވެ. އެގޮތުން އަމިއްލަ ކުންފުނިތަކާއި އެކު، ޖަމިއްޔާ ޖަމާަތްތަކާއި ގުޅިގެންވެސް ތަފާތު އެކި ޕްރޮގްރާމްތައް އަންނަނީ ރާވާ ހިންގަމުންނެވެ.