ހުޅުމާލެ ފަޅުތެރޭގައި އޮތް ސަފާރީއެއްގައި އަލިފާން ރޯވެއްޖެއެވެ.

އެމްއެންޑީއެފް އިން ވިދާޅުވީ އަލުފާން ރޯވެފައިވަނީ "ބުލޫވޭގާ" ނަމަކަށް ކިޔާ ސަފާރީއެއްގައި ކަމަށެވެ.

އެ ސަފާރީގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސް އިން ހަރަކާތްތެރިވަމުން އަންނައިރު، މި ހާދިސާގެ ރިޕޯޓް ލިބިފައިވަނީ ރޭ ފަތިހު 03:42 ހާއިރު ކަމަށް ވެސް ވިދާޅުވިއެވެ.

އެންމެފަހުގެ އަދާހަަމަ، ހާމަކުރައްވަމުން މިއަދު ހެނދުނު 9:04 ގައި އެމްއެންޑީއެފް އިން މީޑިއާ އަށް މައުލޫމާތު ދެއްވަމުން ވިދާޅުވީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން އަދިވެސް ދަނީ އަލިފާން ނިއްވުމުގައި ހަރަކާތްތެރިވަމުން ކަމަށެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައިވާ ކަމަށް މައުލޫމާތު އަދިނުލިބޭ ކަމަށް ވެސް ހާމަކުރައްވައެވެ.

މި ހާދިސާ ހިނގިއިރު އެ ސަފާރީގައި ތިބި 12 ފަޅުވެރިން ވަނީ ކައިރީގައި އޮތް ޑައިވިންގ ދޯންޏަކަށް އަރާފައި ކަމަށާއި އެ ފަޅުވެރިންނަކީ ފަސް ބިދޭސީން ކަމަށް ވިދާޅުވިއެވެ. އޭގެތެރޭގައި ހިމެނެނީ ސްރީލަންކާ، ބަންގްލަދޭޝް އަދި އިންޑިއާ އަދި ހަތް ދިވެހިން ކަމަށް ވެސް އެމްއެންޑީއެފް އިން މައުލޫމާތު ދެއްވައެވެ.

ސަފާރީގައި އަލިފާން ރޯވި އިރު، އޭގައި ހުރީ ޑައިވިންގ ކުރުމަށް ބޭނުންކުރާ ސާމާނުކަން އެ ސަފާރީގެ ކެޕްޓަން މައުލޫމާތު ދޭ ކަަމަށް ވެސް ވިދާޅުވިއެވެ.