ވޭލްޝާކް ރިސަރޗް ހަދަން ފޭބި ފަތުރުވެރިއަކު ދޯނީގެ ބުރަފަތީގައި ޖެހި މަރުވެއްޖެއެވެ.

ދިވެހި ފުލުހުންގެ ހިދުމަތުން ވިދާޅުވީ މަރުވެފައި ވަނީ އދ. ދިގުރަށަށް ވޭލްޝާކް ރިސަރޗެއް ހަދަން ސްޓަޑީ ޓުއަރއެއްގައި ގޮސް އުޅުނު ޓީމުގައި ހިމެނޭ އުމުރުން 15 އަހަރުގެ ސިންގަޕޫރުގެ ކުއްޖެއް ކަމަށެވެ.

ސްނޯކްލިންގ އަށް ގޮސް، ދޯނިން މޫދަށް ފުންމާލި ވަގުތު ދޯނީގެ ބުރަފަތީގައި ޖެހި ޒަހަމްވެގެން އެރަށު ހެލްތު ސެންޓަރަށް ގެންގޮސްފައިވާ ކަމަށް ވެސް ފުލުހުން ވިދާޅުވިއެވެ. އަދި އެ ރިޕޯޓު ލިބުނީ މިއަދު ހެނދުނު 9:55 ހާއިރު، ކަމަށް ވެސް ވިދާޅުވިއެވެ.

ފުލުހުން ވިދާޅުވީ ހެލްތު ސެންޓަރަށް ގެންދިޔައިރުވެސް އެކުއްޖާ މަރުވެފައިވާކަމަށް ހެލްތު ސެންޓަރުން މައުލޫމާތު ދެއްވާފައިވާ ކަމަށެވެ.

މި ހާދިސާއާ ގުޅިގެން ބަލަންޖެހޭ ކަންކަން ފުލުހުން މިހާރުގެންދަވަނީ ބައްލަވަމުންނެވެ.