ސ. ހިތަދޫ ދަނޑުބިން ސަރަހައްދު ވަލުތެރޭގައި ރޯވި އަލިފާން ނިއްވާލައިފިއެވެ.

މި އަލިފާން ނިއްވާލީ އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުން ހަރަކާތްތެރިވެގެންނެވެ.

މި ހާދިސާގެ ރިޕޯޓް ލިބުނީ ނޮވެމްބަރ 8 ވަނަ ދުވަހުގެ ހަވީރު 3:15 ހާއިރު، ކަަމަށް އެ އިދާރާ އިން ވިދާޅުވެއެވެ. އަދި އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނަށް ރިޕޯޓު ލިބުމާއެކު، އެ ފަޔަރ ސްޓޭޝަނުގެ ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައި ކަމަށް ވިދާޅުވެއެވެ.

މިގޮތުން، ފަޔަރ ފައިޓަރުން ކުރި މަސައްކަތުން އަލިފާން ނިއްވާލެވުނީ ހަވީރު 3:31 ހާއިރު ކަމަށް އެމްއެންޑީއެފް އިން ހާމަކުރައްވައެވެ.

މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައެއް ނުވެއެވެ.