ރައީސް ޑރ. މުޙައްމަދު މުޢިއްޒުގެ ރިޔާސީ ވައުދުފުޅާ އެއްގޮތަށް އަރބަން ސެންޓަރުތައް ގާއިމުކުރާ ރަށްތައް އިއުލާންކޮށްފިއެވެ.

ހައުސިންގ މިނިސްޓްރީން ނޮވެމްބަރ 9 ވަނަ ދުވަހު ނެރުއްވި ނޫސް ބަޔާނެއްގައި ވަނީ އަރބަން ސެންޓަރުތަކުގެ ގޮތުގައި ތަރައްގީ ކުރަން ރައީސް ކަނޑައަޅުއްވާފައިވާ ރަށްތަކުގެ ލިސްޓު އާންމުކޮށްފައެވެ.

އެ ލިސްޓުގައި ހިމެނެނީ ރ. އުނގޫފާރު، ބ. އޭދަފުށި، ޅ. ނައިފަރު، އދ. މަހިބަދޫ އެވެ. އަދި ފ. ނިލަންދޫ، ދ. ކުޑަހުވަދޫ އާއި ލ. ފޮނަދޫ ވެސް ހިމެނެއެވެ.

ރައީސް ޑރ. މުއިއްޒު މީގެ ކުރިން ވިދާޅުވެފައިވަނީ މި އަރބަން ސެންޓަރުގެ އިތުރުން ރާއްޖޭގެ އުތުރާއި ދެކުނުގައި އިންޓަގްރޭޓެޑް ޑިވެލޮޕްމަންޓް ޒޯނުގެ ދެ ޒޯނެއް ވެސް ތަރައްގީ ކުރައްވާނެ ކަމަށެވެ. އޭގެ ބޭނުމަކީ ރާއްޖޭގެ އެކި ސަރަހައްދުތަަކަށް ތަރައްގީ އާއި ރަށްވެހިކަމުގެ މަންދާ ބެހިފައިވާ ގޮތަކަށް ކުރިއަށް ދިޔުން ކަމަށް ރައީސް ވަނީ ވިދާޅުވެފައިވެއެވެ.