ގައުމީ ތަރައްގީގެ 20 އަހަރުގެ މާސްޓަ ޕްލޭނާ އެއްގޮތަށް ވެސް ކަންކަން ނުކުރައްވާނެކަން ރައްޔިތުންނަށް މިއަދު ޔަގީންވާ ކަމުގައި އެމްޑިޕީގެ ޗެއަރޕާރސަން އަދި ކުރީގެ އިކޮނޮމިކް މިނިސްޓަރ އަލްއުސްތާޛު ފައްޔާޟު އިސްމާއިލް ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވެފައި މިވަނީ ރާއްޖޭގެ ހަތް ސަރަހައްދެއްގައި އަރބަން ސެންޓަރު ބިނާކުރަންވީ ވައުދާ އަޅުވައި، ސިޔާސީ ބޭނުމަށް ދޮގު ޚަބަރު ފަތުރާތީ، އެކަމާ ނުރުހުން ފާޅު ކުރައްވައި، އެކްސްގައި ކުރެއްވި ޕޯސްޓެއްގައެވެ.

އެ ޕޯސްޓުގައި ވަނީ އެތައް ޖަލްސާއެއްގައި ވިދާޅުވެ، މެނިފެސްޓޯގައި ވަރަށް ސާފުކޮށް ބަޔާންކުރިޔަސް ވެރިކަމަށް ވަޑައިގެން ވަރަށް ގިނަ ކަންކަން ކުރައްވަމުން ގެންދަވަނީ ސީދާ ވިދާޅުވި ގޮތާ އިދިކޮޅަށް، ލިޔެފައިވާ ގޮތާ ހިލާފަށް ކަމަށެވެ.

"މިއަދު ސަރުކާރުން ހަތް ރަށެއް އާބަން ސެންޓަރުގެ ގޮތުގައި ތަރައްގީ ކުރަން އިއުލާނު ކުރީ އެއްވެސް މަޝްވަރާ ކުރުމެއް ނެތި، ރައްޔިތުންގެ ހިޔާލު ހޯދުމެއް ނެތި." ފައްޔާޟުގެ ޕޯސްޓުގައި ވެއެވެ.

މީގެއިތުރުން ގައުމީ ތަރައްގީގެ 20 އަހަރުގެ މާސްޓަރޕްލޭން ވެސް އެކުލަވާލާނީ އެހެންކަމަށާއި އެ ޕްލޭނާ އެއްގޮތަށް ކަންކަން ވެސް ނުކުރައްވާނެކަން ދިވެހި ރައްޔިތުންނަށް މިއަދު ޔަގީންވާ ކަމަށް ވެސް ވަނީ ވިދާޅުވެފައެވެ. އަދި ހުއްޓުމެއް ނެތި ހައްދަވަނީ ހުސް ދޮގު ކަމަށް ވެސް ވަނީ ތުހުމަތު ކުރައްވާފައެވެ.

އެތައް ޖަލްސާއެއްގައި ވިދާޅުވެ މެނިފެސްޓޯގައި ވަރަށް ސާފުކޮށް ބަޔާންކުރިޔަސް ވެރިކަމަށް ވަޑައިގެން ވަރަށް ގިނަ ކަންކަން ކުރައްވަމުން ގެންދަވަނީ ސީދާ ވިދާޅުވި ގޮތާ އިދިކޮޅަށް، ލިޔެފައިވާ ގޮތާ ހިލާފަށް. މިއަދު ސަރުކާރުން ހަތް ރަށެއް އާބަން ސެންޓަރުގެ ގޮތުގައި ތަރައްގީ ކުރަން… https://t.co/e5kosS545r

— Fayyaz Ismail (@faya_i) November 9, 2024

ރައީސް ޑރ. މުޙައްމަދު މުޢިއްޒު ވިދާޅުވެފައިވަނީ ރާއްޖޭގެ އެކި ކަންކޮޅުތަކުގައި ޑިވެލޮޕްމަންޓް ޒޯންތަކާއި އަރބަން ސެންޓަރުތައް ތަރައްގީކުރުމަކީ ފެށުނީއްސުރެ މި ސަރުކާރުން ގެންގުޅުއްވާ ސިޔާސަތެއް ކަމުގައެވެ.