ޖުމްހޫރީ ދުވަހުގެ މުނާސަބަތުގައި ބާއްވަވާ ރަސްމީ ޖަލްސާ މިރޭ 8 ޖަހާއިރު އޮންނާނެއެވެ.

ދަރުބާރުގޭގައި ބާއްވަވާ މި ޖަލްސާގައި ރައީސް ޑރ. މުހައްމަދު މުޢިއްޒު ދިވެހި ގައުމާ މުހާތަބު ކުރައްވައި ވާހަކަފުޅު ދައްކަވާނެއެވެ.

މީގެއިތުރުން މަތީ ދަރަޖަ ހޯދާ ފަރާތްތަކަށް ރައީސްގެ ހާއްސަ އިނާމު ދެއްވުމާއި ދައުލަތުގެ އިނާމު ލިބިވަޑައިގަންނަވާ ބޭފުޅުންނަށް އިނާމް ދެއްވުން ވެސް އޮންނާނެއެވެ. އަދި ރާއްޖޭގެ ތައުލީމަށް ހިދުމަތްކުރުމުގެ އެންމެ މަތިވެރި ޝަރަފު، ނިޝާން ޢިއްޒުއްދީނުގެ ޢިއްޒަތުގެ ވެރިޔާ އަދި ދިވެހިރާއްޖޭގެ އިސްލާމީ ޔުނިވަރސިޓީގެ ޗާންސެލަރގެ މަގާމުގައި ހުންނެވި ޑރ. މުޙައްމަދު ޒާހިރު ޙުސައިނަށް އެރުވުން ވެސް މި ޖަލްސާގައި އޮންނާނެއެވެ.

މިރޭގެ ޖަލްސާގައިި މަތީ ދަރަޖަ ހޯދާ ފަރާތްތަކަށް ރައީސް ދެއްވާ ހާއްސަ އިނާމު 40 ބޭފުޅަކަށް ލޮިބިވަޑައިގަންނަވާއިރު، ދައުލަތުގެ އިނާމު 53 ބޭފުޅަކަށް އެރުވުމަށް ވަނީ ނިންމަވާފައެވެ.