ފުވައްމުލައް ސިޓީން 4 އަހަރުގެ ކުއްޖެއް ގެއްލިގެން ހޯދަން ފަށައިފިއެވެ.

ދިވެހި ފުލުހުންގެ ހިދުމަތުން ވިދާޅުވީ ގެއްލިގެން ހޯދަނީ އުމުރުން 4 އަހަރުގެ ފިރިހެން ކުއްޖެއް ކަމަށެވެ. ނަމަވެސް އިތުރު މައުލޫމާތެއް އަދިހާމައެއް ނުކުރައްވައެވެ.

އެހެންނަމަވެސް ބައެއް މަސްދަރުތަކުން ހާމަކޮށްފައިވާގޮތުގައި ގެއްލިގެން ހޯދަމުން ދަނީ އެ ސިޓީގެ ދިގުވާނޑު ފްލެޓްތަކުގައި ދިރިއުޅެނީ އާއިލާއެއްގެ ކުއްޖެކެވެ.

ރާއްޖޭގެ އޮންލައިން ނޫހެއް ކަމުގައިވާ 'ދުވަސް' ގައި އެ ކުއްޖާގެ އާއިލާ އާ ހަވާލާދީ ބުނެފައިވަނީ ކޮންމެ ދުވަހަކުވެސް ހަވީރު ކުދިންތައް ކުޅެން ނިކުމެ އުޅޭއިރު އެމީހުންގެ ދަރިފުޅު ވެސް މިއަދު ކުޅެން ނިކުމެ އުޅުނު ކަމަށެވެ. ނަމަވެސް ހަވީރު ފަހެއްޖަހާއެހާކަންހާއިރު ޚަބަރެއް ނުވެ ގެއްލުނީ ކަމަށް އާއިލާއާ ހަވާލާދީ އެ ނޫހުގައި ވެއެވެ.