ރަސްމާލެ ހިއްކުމުގެ މަސައްކަތް މިއަދު އަލުން ފަށައިފިއެވެ.

މި ސަރުކާރުގެ ބޯހިޔާވަހިކަމުގެ އެންމެ ބޮޑު މަޝްރޫއުކަމުގައިވާ ރަސްމާލެ ހިއްކުމުގެ މަސައްކަތް ފެށިގެން އެޗްޑީސީން ހާމަކުރެއްވިނަމަވެސް އިތުރުތަފްސީލެއް އަދިހާމައެއް ނުކުރައްވައެވެ.

ރަސްމާލެ ހިއްކުމުގެ މަސައްކަތް މިދިޔަ ޑިސެމްބަރު 18 ގައި ފެށީ 8 މަސް ދުވަހުގެ ތެރޭގައި ނިންމުމަށް އަމާޒު ހިފައިގެންނެވެ. އެހެންނަމަވެސް މަޝްރޫއު ކުރިއަށް ގެންދަން އިތުރު ގޮތްތަކެއް ހޯދަންޖެހި، މަޝްރޫއު މަޑުޖެހިފައި އޮންނަތާ ދުވަސްތަކެއް ވެއްޖެއެވެ.

މި މަޝްރޫއަށް ފުރަތަމަ އެއްބަސްވުމެއް ހެދީ ސްރީލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ) އާ އެކުގައެވެ. އެކަމަކު، ސަރުކާރުން އެ އެއްބަސްވުން ބާތިލުކުރީ، ކޮންޓްރެކްޓަރަށް ބިންތަކެއް ނުދީ މަޝްރޫއު ގެންދަން ބޭނުންވާ ކަމަށް ބުނެއެވެ.

ސަރުކާރުން ބޭނުންވީ ކޮންޓްރެކްޓަރުން މެދުވެރިވެގެން ފައިނޭންސް ހަމަޖައްސައިގެން ޕްރޮޖެކްޓް ކުރިއަށް ގެންދާށެވެ.

ފުށިދިއްގަރުފަޅުން 1،153 ހެކްޓަރުގެ ބިން ހިއްކައި، 30،000 ހައުސިންގ ޔުނިޓު އަޅުއްވާނެ ކަމަށް ވެސް ރައީސް ޑރ. މުހައްމަދު މުއިއްޒު ވަނީ އިއުލާނުކުރައްވާފައެވެ.

އަންނައަހަރުގެ ބަޖެޓުގައި މި މަޝްރޫއަށް 600 މިލިއަން ރުފިޔާ ހިމަނަން ސަރުކާރުގެ ޕްލޭންގައި އޮތްއިރު، 2026 ވަނަ އަހަރު 350 މިލިއަން ރުފިޔާ ހިމެނުމަށް ވަނީ ރާވާފައެވެ.