ހުޅުމާލޭގައި މިރޭ ހަވާއަރުވާނެކަަމަށް އެމްއެންޑީއެފް އިން ވިދާޅުވެއްޖެއެވެ.

އެ އިދާރާ އިން އެކްސްގައި ކުރެއްވި ޕޯސްޓެއްގައި ވަނީ މިއީ އައު އަހަރުގެ ފެށޭ ރޭ ހަވާ އެރުވުމަށް ތައްޔާރުވުމުގެ ގޮތުން ސިފްކޯއިން ކުރިއަށްގެންދާ ފަރިތަކުރުންތަކެއް ކަމަށެވެ. އަދި މި ހަރަކާތް އޮންނާނީ މިރޭ 8 ޖަހާއިރު ކަމަށެވެ.

އެމްއެންޑީއެފް އިން ވިދާޅުވީ މި ފަރިތަކުރުންތައް އޮންނާނީ ހުޅުމާލެ ފޭސް 3 ސަރަހައްދުގައި ކަމަށެވެ. އަދި މި ފަރިތަކުރުންތަކުގައި ދެ މިނެޓުގެ ތިން ޝޯވއެއް ކުރިއަށް ގެންދާނެ ކަމަށް ވެސް ވިދާޅުވެފައި ވެއެވެ.

އައު އަހަރާއި މިނިވަން ދުވަހާއި ޖުމްހޫރީ ދުވަސް އަދި އީދު ދުވަސްތައް ފަދަ ހާއްސަ ދުވަސްތަކުގައި ހަވާއެރުވުމުގެ ހަރަކާތްތައް ކުރިއަށް ގެންދެއެވެ. އަދި އަމިއްލަ ފަރާތްތަކުން ބާއްވާ އިވެންޓުތަކުގައި ވެސް ސިފްކޯ އިން ގެންދަނީ ވިޔަފާރި އުސޫލުން ހަވާއަރުވާދެމުންނެވެ.