އުތުރާއި މެދުރާއްޖެތެރޭގެ އެކި ހިސާބުތަކަށް މިއަދު ވެސް މޫސުން ގޯސްވާނެކަަމަށް މޫސުމާއިބެހޭ ގައުމީ އިދާރާ އިން ބުނެފިއެވެ.

އެ އިދާރާ އިން ނެރުނު މޫސުމީ ބުލެޓިންގ ގައި ބުނީ އެ ސަރަހައްދުގެ ރަށްތަކަށް ވިއްސާރަކޮށް، ބައެއް ރަށްތަކަށް ބޯކޮށް ވާރޭ ވެހޭނެ ކަމަށެވެ. އަދި ގުގުރުން ވެސް އެކަށީގެންވާ ކަމަށެވެ.

މީގެއިތުރުން ދެކުނުގެ ބައެއް ރަަށްތަކަށް ކެރީގެ އަސަރުކުރިނަމަވެސް އާންމުގޮތެއްގައި މޫސުން ރަނގަޅުވާނެ ކަމަށް އެ އިދާރާ އިން ބުނެއެވެ. އަދި ދެކުނުގެ ރަށްތަކަށް ހުޅަނގާއި ހުޅަނގުއުތުރުން އެހެން ހިސާބުތަކަށް އިރު އުތުރާއި އިރުން ގަޑިއަކު 8 މޭލާއި 18 މޭލާއި ދެމެދުގެ ބާރުމިނުގައި ވައި ޖެހޭނެކަަމަށް ލަފާކޮށްފައިވެއެވެ.

އެ އިދާރާއިން ވަނީ އުތުރާއި މެދުރާއްޖެތެރޭގައި ވިލާގަނޑުގައި ގަޑިއަކު 35 މޭލަށް ވައި ގަދަވާނެކަމަށް ލަފާކޮށްފައެވެ. އަދި ރާއްޖޭގެ ކަނޑުތައް އާދައިގެވަރަކަށް ގަދަވާނެކަމަށާއި ވިލާގަނޑުގައި އިތުރަށް ގަދަވާނެކަމަށް ވެސް ބުނެއެވެ.