މޯލްޑިވްސް މީޑިއާ ކައުންސިލުން ދޭ ނޫސްވެރިކަމުގެ އެވޯޑުގެ ފައިބެއަހަރުގެ އެންމެމޮޅު ނޫސްވެރިޔާގެ މަގާމު މިހާރު ނޫހުގެ ފާޠިމަތު ޝަނީ މުހައްމަދު އަށް ލިބިއްޖެއެވެ.

ހުޅުމާލޭގައި ހުންނަ ޢުމަރު ޒާހިރު ބިލްޑިންގ ގައި ބޭއްވި މި އެވޯޑު ދިނުމުގެ ހަފުލާ ޝަރަފްވެރިކޮށްދެއްވީ ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފްއެވެ.

އެވޯޑު ލިބުނު އިތުރު ނޫސްވެރިންގެ ތެރެއިން އެންމެ އުއްމީދޫ ނޫސްވެރިޔާގެ މަގާމު ހޯދީ ނުކުތާގެ މުޙައްމަދު ޔަމީންއެވެ.

މީގެއިތުރުން އަހަރުގެ މޮޅު ކަވަރޭޖުގެ އިނާމު މިހާރު ނޫހަށް ލިބުނުއިރު، ތަހްގީގީ ނޫސްވެރިކަމުގެ ދާއިރާ އޯޑިއޯ ވީޑިއޯ އިން އަދަދު ނޫހުގެ އަހްމަދު އާއިދު އެވޯޑު ހޯދިއިރު، ސިޔާސީ ދާއިރާއިން އަދަދު ނޫހުގެ ހަސަން މުހައްމަދު އެވެ. އަދި ގާނޫނީ ދާއިރާ އިން މިހާރު ނޫހުގެ ނިއުމަތުﷲ އިދުރީސް، ވިޔަފާރިއާ އިގުތިސޯދު ދާއިރާއިން މިހާރު ނޫހުގެ ފާތިމަތު ޝަނާ މުހައްމަދު ވަނީ އެވޯޑު ހާސިލުކޮށްފައެވެ.

ކުޅިވަރު ދާއިރާ އިން އަދަދު ނޫހުގެ އައްޒާމް އަލިފުޅަށް އެވޯޑޫ ލިބުނުއިރު، ތާރީހާއި ސަގާފަތުގެ ދާއިރާ އިން މިހާރު ނޫހުގެ މުހައްމަދު ހަމްދޫން، މުނިފޫހިފިލުވުމާއި ފަންނުވެރިކަމުގެ ދާއިރާ އިން ވަގުތު ނޫހުގެ ސައިފުﷲ އަހުމަދު، ގްރެފިކްސް އަދި އިލެސްޓްރޭޝަން ދާއިރާ އިން މިހާރުގެ މުހައްމަދު ނަބްހާން އިބްރާހިމް ދީދީ ވަނީ އެވޯޑު ހދާފައެވެ.

ހަމަމިއާއެކު ތިމާވެއްޓާއި ދެމެހެއްޓެނިވި ތަރައްގީގެ ދާއިރާ އިން ދައުރުގެ ޝަހުދާ މުހައްމަދު އާއ ފީޗަރ ރިޕޯޓުގެ ދާއިރާ އިން ދައުރުގެ މުޒައްޔިން ނާޒިމް އަށް ވަނީ އެވޯޑު ލިބިފައެވެ. އަދި ވީޑިއޯ ޑޮކިއުމެންޓްރީ އެވޯޑު ލިބުނީ އަދަދު ނޫހުން ހަދާފައިވާ ކަނދޮޅުދޫގެ ފަނޑުނުވި ހަނދާނަށެވެ.

ތަހުގީގީ ނޫސްވެރިކަނމުގެ ދާއިރާ އިން ދައުރުގެ އަހުމަދު ނާއިފަށް ލިބުނުއިރު، ނޫސްވެރިން ބިނާކުރުމުގެ ކެޓަގަރީން ޝަމްއާން ޝާކިރު އާއި މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ) އަށް ވަނީ އެވޯޑު ދީފައެވެ.

އެވޯޑު ހާސިލުކުރި ހުރިހައި ފަރާތްތަކަށް 'އޮއިވަރު' މުވައްޒަފުންނާއި ކިޔުންތެރިން އަދި މެނޭޖުމެންޓުގެ ނަމުގައި މަރުހަބާ އާއި ތަހުނިޔާ އަރިސްކުރަމެވެ.