ރާއްޖޭގައި ފުރަތަމަ ފަހަރަށް ވީލްޗެއަރ އެސޯސިއޭޝަނެއް ރަޖިސްޓްރީކޮށްފިއެވެ.

މިއީ ހާއްސަ އެހީ އަށް ބޭނުންވާ ފަރާތްތަކުގެ ތެރޭގައި ހިމެނޭ ބަލި ހާލަތުގެ ގޮތުން އަމިއްލައަށް ހިނގާ އުޅުމުން މަހްރޫމްވެފައިވާ ވީލްޗެއަރ ގައި އުޅޭ ފަރާތްތަކަށް އެކިގޮތްގޮތުން އެހީތެރިކަންދީ ހައްގުތައް ހޯދައިދިނުމަށް މަސައްކަތްކުރުމަށްޓަކައި ވުޖޫދުކުރުވި އެސޯސިއޭޝަނެކެވެ.

'ވީލްޗެއަރ އެސޯސިއޭޝަން އޮފް މޯލްޑިވްސް' ގެ ނަމުގައި މި ޖަމިއްޔާ، މިނިސްޓްރީ އޮފް ޔޫތް އެމްޕަވަރމެންޓް، އިންފޮމެޝަން އެންޑް އާރޓްސްގައި މިހާރުވަނީ ރަޖިސްޓްރީކޮށްފައެވެ.

އެ މިނިސްޓްރީގައި ބޭއްވި ރަސްމިއްޔާތެއްގައި ޖަމިއްޔާގެ ފަރާތުން ސެޓްފިކެޓާއި ހަވާލުވީ ފައުންޑަރ ގއ. ވިލިގިނލި، ފީރޯޒުގެ، އަޙްމަދު ނަޖީބުއެވެ.

މި ޖަމިއްޔާ އިން ކުރިއަށް އޮތް ތަނުގައި އަމިއްލައަށް ހިނގާ އުޅުމުން މަހްރޫމްވެފައިވާ ވީލްޗެއަރ ގައި އުޅޭ ފަރާތްތަކަށް ގިނަ ކަންތައްތަކެއް މަގުފަހިކޮށްދިނުމަށް ވަނީ ނިންމާފައެވެ.