ކުޅުދުއްފުށި ސިޓީގެ ގެއެއްގައި އަލިފާން ރޯވެ އަނދައިފިއެވެ.

މައުލޫމާތު ލިބިފައިވާ ގޮތުގައި ނޮވެމްބަރ 1 ވަނަ ދުވަހުގެ ރޭ 9 ޖަހާކަންހާއިރު ހިނގި މި ހާދިސާގައި އަލިފާން ރޯވެފައިވަނީ އެ ސިޓީގެ 'ސަމޭދާން' ނަމަކަށްކިޔާ ގޭގައެވެ. އަދިި އެ ގެ އެއްކޮށް ވަނީ އަނދާ ހުލިވެފައެވެ.

ފިލައިން ހަދާފައިވާ މި ގޭގައި ހިނގި މި ހާދިސާގެ ސަބަބުން އެއްވެސް މީހަކަށް އަނިޔާއެއް ލިބުނުކަމުގެ މައުލޫމާތެއް އަދިނުލިބެއެވެ. އަދި އެއީ ދެ ފިރިހެނުން އުޅޭ ގެއެއް ކަމަށާއި އަލިފާން ރޯވި ވަގުތު އެއްވެސް މީހަކު އެގޭގައި ނެތް ކަމަށް ވެސް މައުލޫމާތު ލިބެއެވެ.

އެ ގޭގައި ރޯވި އަލިފާންގަނޑު، އެމްއެންޑީއެފް އިން ވަނީ މިރޭ 10 ޖެހިއިރު، ނިއްވާލާފައެވެ.