ޕަބްލިކް ސަރވިސް މީޑީއާ (ޕީއެސްއެމް) ގެ މެނޭޖަރ އޮޕަރޭޝަންސް ނިއުސް އެންޑް ކަރަންޓް އެފެއަރޒްގެ މަގާމުގައި އަޙްމަދު މުސްތަފާ އަށް އަލުން ވަޒީފާ ދީފިއެވެ.

މޯލްޑިވްސް މީޑިޔާ ކައުންސިލު (އެމްއެމްސީ) ގެ ރައީސްގެ މަގާމު ވެސް އަދާކުރައްވާ މުސްތަފާ އެ ސަރވިސް އިން ވަކިކޮށްފައިވަނީ އެމްއެމްސީގެ 11 ވަނަ ނޫސްވެރިކަމުގެ އެވޯޑް ހަފުލާގައި ޕީއެސްއެމްގެ އެޑިޓޯރިއަލް ކޮންޓެންޓާ ހިލާފު އަދި ނޫސްވެރިކަމުގެ އާއްމު މިންގަނޑުތަކާ ޚިލާފު ވީޑިއޯއެއް، ދައްކާފައިވާ މައްސަލައިގައެވެ.

އޮކްޓޯބަރ 30 ވަނަ ދުވަހު ވަޒީފާ އިން ވަކިކުރުމަށްފަހު، ގާތްގަނޑަކަށް 23 ގަޑިއިރު ފަހުން އެކުންފުނިން ވަނީ މެނޭޖަރ އޮޕަރޭޝަންސްގެ ވަޒީފާ، މުސްތަފާއަށް އަލުން ދީފައިވަނީ ވަޒީފާއިން ވަކިކުރި މައްސަލަ ޑިރެކްޓަރުންގެ ބޯޑަށް ހުށަހެޅުމުން ބަލަންޖެހޭ ކަންކަން ބެލުމަށްފަހު އެ ބޯޑުންކަމަށް ޕީއެސްއެމް އިން ވަނީ ހާމަކޮށްފައެވެ.