ބޭންކް އޮފް މޯލްޑިވްސް (ބީއެމްއެލް) ގެ ސަރވިސް ސެންޓަރުތައް ހަ ދުވަހަށް ބަންދުކުރުމަށް ނިންމައިފިއެވެ.

އެ ބޭނުންކުން ވިދާޅުވީ މިއީ މި ފެށޭ 2025 ވަނަ އަހަރަށް ބަންދުވާ ދުވަސްތަކެއް ކަމަށާއި މި ޑިސެމްބަރ މަހުގެ 31 އިން އަންނަ ޖެނުއަރީ ފަސް ވަނަ ދުވަހުގެ ނިޔަލަށް ބަންދުވާނެ ކަމަށެވެ.

އެހެންނަމަވެސް އިންޓަރނެޓް ބޭންކިމްގ އަދި މޯބައިލް ބޭންކިންގ "ބޭންކް-އޮން-ދަ-ގޯ" ގެ ހިދުމަތްތަކާއި ސެލްފް ސަރވިސް އޭޓީއެމްތަކުން ފައިސާ ނެގުމާއި ޖަމާކުރުމުގެ ހިދުމަތް ލިބޭނެކަމަށް ވިދާޅުވިއެވެ. އަދި އެ ބޭންކުގެ ކަސްޓަމަރ ސަޕޯޓު ކޮންޓެކްޓް ސެންޓަރުން ނުވަތަ ވަޓްސް އެޕް ޗެނަލުން 24 ގަޑިއިރު ހިދުމަތް ލިބޭނެ ކަމަށް ވެސް ހާމަކުރައްވައެވެ.