ސުނާމީ ކާރިސާ އާ ގުޅޭ މައުރަޒުގެ ޑިޖިޓަލް ޕާޓްނަރއަކަށް އުރީދޫ މޯލްޑިވްސް ހަމަޖައްސައިފިއެވެ.

މިއީ ސުނާމީ ކާރިސާ އަށް 20 އަހަރު ފުރުމާއި ގުޅިގެން "ވިލުންތެރި 20″ ނަމުގައި ބާއްވާ ފޮޓޯ މައުރަޒެކެވެ.

ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ (އެންޑީއެމްއޭ) އިން ބާއްވާ މި މައުރަޒު ބޭއްވުމަށް ތާވަލުކޮށްފައިވަނީ މި ޑިސެމްބަރ މަހުގެ 26 ން 29 ވަނަ ދުވަހުގެ ނިޔަލަށް ނެޝަނަލް އާޓް ގެލަރީގައެވެ.

މިއީ ސުނާމީ ކާރިސާއަށް ފަހު ރާއްޖެ އަލުން އާރާސްތުކޮށް ކާރިސާތަކަށް ވިލުންތެރި ގައުމަކަށް ރާއްޖެ ހެދުމަށްޓަކައި އެންމެން ގުޅިިގެން ކޮށްފައިވާ އަދި ކުރަމުން އަންނަ މަސައްކަތްތައް ދައްކާލުމުގެ މަގްސަދުގައި ބާއްވާ މައުރަޒެކެވެ.

ރާއްޖެއަށް ސުނާމީ ކާރިސާ ދިމާވީ 2004 ވަނަ އަހަރުގެ ޑިސެމްބަރ 26 ވަނަ ދުވަހުއެވެ.