އުރީދޫ އެމްފައިސާ އިން ހާއްސަ ޕްރޮމޯޝަނެއް ފަށައިފިއެވެ.

ޑިޖިޓަލް ވޮލެޓް ޕްލެޓްފޯމް އެމް-ފައިސާ އިން ދެ މަސް ދުވަހުގެ މުއްދަތަށް ފެށި މި ޕްރޮމޯޝަނާއެކު އެމް-ފައިސާ ބޭނުންކުރާ ފަރާތްތަކުގެ ތެރެއިން ނަސީބުވެރި އެއް ފަރާތަކަށް މެޓަ ކުއެސްޓް 3 ކާމިޔާބު ކުރުމުގެ ފުރުސަތު ލިބެއެވެ.

އުރީދޫ އިން ހާމަކޮށްފައިވާ ގޮތުގައި ޔުޓިލިޓީ ބިލް ދެއްކުމާއި މާޗަންޓް ޓްރާންސެކްޝަންތަކަށް ޖަނަވަރީ އަދި ފެބްރުއަރީ މަހު 1،500 ރުފިޔާ ނުވަތަ އެއަށް ވުރެ މަތިން އެމް-ފައިސާ މެދުވެރިކޮށް މުއާމަލާތްކުރާ ކަސްޓަމަރުން އޮޓަމެޓިކުން ލަކީ ޑްރޯގައި ހިމެނޭނެއެވެ.

"ސްޓެލްކޯ، އެމްޑަބްލިއުއެސްސީ، މީޑިއާނެޓް ފަދަ ބިލްތަކަށް އެމް-ފައިސާ މެދުވެރިކޮށް ކޮންމެތާކު ކޮންމެ ވަގުތަކުވެސް ފަސޭހަކަމާއެކު ބިލަށް ފައިސާ ދެއްކޭނެ."

މީގެއިތުރުން ރާއްޖޭގެ އެކި ކަންކޮޅުތަކުގައި ހުންނަ މަގުބޫލު ކެފޭ، ރެސްޓޯރެންޓް އަދި ފިހާރަތަކުން ވެސް ކަސްޓަމަރުންނަށް އެމް-ފައިސާ މެދުވެރިކޮށް ފަސޭހަކަމާއެކު ބިލަށް ފައިސާ ދެއްކޭނެ ކަމަށް އެ ކުންފުނިން ބުނެއެވެ.

އެމް-ފައިސާ އަށް ރެޖިސްޓަރ ވާން ބޭނުން ފަރާތްތަކަށް އުރީދޫ އެޕް މެދުވެރިކޮށް ރެޖިސްޓަރ ވެވޭނެއެވެ. އަދި އެޕްޑައުންލޯޑު ކުރުމަށްފަހު، އެމްފައިސާގެ ރަޖިސްޓްރޭޝަނަށް ފިތާލައި، އެކްޓިވޭޓު ކުރުމަށް ބޭނުންވާ ތަފްސީލުތައް ފުރިހަމަކުރަން ޖެހެއެވެ. ދެން ފޯނަށް ލިބޭ އޯޓީޕީ ޖެހުމަށްފަހު، މޮބައިލް ނަމްބަރާއި 4 ޑިޖިޓުގެ ޕިން ޖެހުމުން ނިމުނީއެވެ.

އެމް-ފައިސާ ގެ ފަސޭހަކަމާއި ހާއްސަ އޮފަރތަކުގެ ބޭނުން ހިފުމަށް ކޮންމެ ނެޓްވޯކެއްގެ ކަސްޓަމަރަކަށް ވެސް މި ހިދުމަތް ބޭނުން ކުރެވޭނެއެވެ.

އުރީދޫ އެޕް ޑައުންލޯޑް ކުރައްވާ: http://ore.do/mf