ރާއްޖެއިން މިއަހަރު ހައްޖަށް ދިޔަ މީހުންގެ ފަހު ގްރޫޕު ރާއްޖެ އަތުވެއްޖެއެވެ.

މި ގްރޫޕު ރާއްޖެ އައީ ޖުލައި 4 ވީ ބްރާސްފަތި ދުވަހުއެވެ. މި ގްރޫޕުގައި 137 މީހުން ވަނީ އައިސްފައެވެ.

މިއަހަރު ރާއްޖެއިން ހައްޖުގެ އަޅުކަން އަދާކުރުމަށް ދިޔައީ 1150 މީހުންނެވެ. އޭގެތެރެއިން 1149 މީހަކު ވަނީ އަޅުކަން އަދާކޮށްފައެވެ.

ރާއްޖޭގެ ހައްޖަޖީންގެ ފުރަތަމަ ގްރޫޕްގެ މިދިޔަ މަހުގެ 24 ވަނަ ދުވަހު އައިސްފައިވަނީ 296 މީހުންނާއެކުގައެވެ. އަދި 28 ވަނަ ދުވަހު ވަނީ 352 ހައްޖުވެރިން ރާއްޖެ އައިސްފައެވެ.

މީގެއިތުރުން ޑޮކްޓަރުންގެ ލަފަޔާއެކު ހައްޖުވެރިންގެ ތެރޭގައި ތިބި ބަލި މީހުން ރާއްޖެ ފޮނުވުމުގެ ގޮތުން މިދިޔަ މަހުގެ 29 ވަނަ ދުވަހު ހާއްސަ ފްލައިޓެއް ބާއްވައި 25 މީހަކު ރާއްޖެ އައިސްފައިވާއިރު، މިމަހުގެ 1 ވަނަ ދުވަހު 316 މީހަކު ވަނީ އައިސްފައެވެ.