ވޯކް ވިސާގެ ހިދުމަތަށް އޭންޓްކިޔު މެދުވެރިކޮށް ނަމްބަރު ނެގޭނޭ އިންތިޒާމު ހަމަޖައްސައިފިއެވެ.

މޯލްޑިވްސް އިމިގްރޭޝަނުން ވިދާޅުވީ އެ އެޕްލިކޭޝަން މެދުވެރިކޮށް ނަމްބަރު ނެގޭނީ މެއި 19 ވަނަ ދުވަހުން ފެށިގެން ކަމަށެވެ.

އެގޮތުން އޭންޓްކިޔު މެދުވެރިކޮށް ފަސް ޕާސްޕޯޓަށްވުރެ މަދުން ހިދުމަތް ހޯދާނަމަ، ހެނދުނު 9 ން 10:30 އަށް ނަމްބަރު ދޫކުރާނެ ކަމަށް ވިދާޅުވިއެވެ. އަދި ހިދުމަތް ދޭނީ ހެނދުނު 10 ން މެންދުރުފަހު 3 ޖަހަންދެން ކަމަށް ވިދާޅުވެއެވެ. އަދި ހަ ޕާސްޕޯޓަށްވުރެ ގިނަ ޕާސްޕޯޓު ދޫކުރާނަމަ ނަންބަރު ދޫކުރާނީ ހެނދުނު 11:30 އިން 12:30 އަށް ކަމަށެވެ. އަދި ހިިދުމަތް ދޭނީ މެންދުރުފަހު 1:15 ން މެންދުރުފަހު 3 ޖަހަންދެން ކަމަށެވެ.

މިއީ ވޯކް ވިސާގެ ހިދުމަތް ހޯދުމަށްދާ ފަރާތްތަކަށް ލުއިފަސޭހަކުރުމުގެ ގޮތުން ގެނައި ބަދަލެއް ކަމަށް ވެސް ވިދާޅުވިއެވެ.

މީގެ ކުރިން ވަރކް ވިސާ ޖެހުމަށްފަހު ޕާސްޕޯޓާއި ހަވާލުވުމަށް ނަންބަރު ދޫކުރަމުން ދިއައީ އިމިގްރޭޝަނަށް ހާޒިރުވުމުން ކަމުގައި ވީނަމަވެސް، ދެން "އޭންޓް ކިޔޫ" އެޕްލިކޭޝަން މެދުވެރިކޮށް ކޮންމެ ތަނެއްގައި ހުރެ ވެސް އޮންަލައިންކޮށް ނަންބަރު ނެގޭނެ، އަދި ކިއުގެ ޚިދުމަތް ދެމުންދާ ތަރުތީބު… pic.twitter.com/ahQ6BGYXf4

— Maldives Immigration (@ImmigrationMV) May 17, 2024

އިމިގްރޭޝަނުން ދެމުން އަންނަ ޚިދުމަތްތައް ފަސޭހަކަމާއެކު ފޯރުކޮށްދިނުމަށް އެ އިދާރާ އިން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ޕާސްޕޯޓް ދޫކުރުމުގައި ވެސް އޮންލައިން އެޕްލިކޭޝަން، ކިޔުބީ މެދުވެރިކޮށް ނަންބަރު ނެގޭނެ އިންތިޒާމު ވެސް މިހާރުވަނީ ހަމަޖައްސާފައެވެ.