ރާއްޖޭގެ މަސްވެރިކަމުގެ ސިނާއަތުގައި ހުރި އިންވެސްޓްމަންޓު ފުރުސަތުތަކުގެ މައުލޫމާތު ޗައިނާގެ ވިޔަފާރިވެރިންނާ ހިއްސާކޮށްފިއެވެ.

ފިޝަރީޒް މިނިސްޓްރީގައި ބޭއްވި ބައްދަލުވުމެއްގައި ޗައިނާގެ ވިޔަފާރިވެރިންނާ ހިއްސާކުރެއްވީ މިނިސްޓަރު ޝިޔާމު އާއި އެ މިނިސްޓްރީގެ އިސްވެރިންނެވެ.

ޗައިނާގެ ވިޔަފާރިވެރިންތަކެއް ރާއްޖޭގައި ހުރި އިންވެސްޓުމަންޓުތަކުގެ ފުރުސަަތުތަކާއި ގުޅޭ މައުލޫމާތު ހޯދުމަށް ކުރަމުންދާ ދަތުރުގައި މިނިސްޓަރު ވަނީ ރާއްޖޭގެ މަސްވެރިކަމުގެ ސިނާއަތުގައި، މެރިކަލްޗަރ އަދި ބްލޫ އިކޮނޮމީ ދާއިރާއިން ހުރި ފުރުސަތުތަކުގެ މައުލޫމާތު ހިއްްސާކުރައްވާފައެވެ.

އެމަނިކުފާނު ވަނީ ސަރުކާރުން މިދާއިރާ ކުރިއެރުވުމަށްކުރަމުންދާ މަސައްކަތްތުގެ މައުލޫމާތު ވެސް ހިއްސާކުރައްވާފައެވެ.

އެގޮތުން ސްޕޯޓްސް ފިޝިންގ ބަނދަރުތައް ތަރައްގީކުރުމުގެ މަސައްކަތާއި، މެރިކަލްޗަރ ސިނާއަތުގެ ދާއިރާއިން މަސައްކަތްތައް ކުރެވެމުންދާކަމަށް ވިދާޅުވިއެވެ.