ހައްދުންމަތީ ފޮނަދޫގައި ސެޝަންތަކެއް ކުރިއަށް ގެންގޮސްފިއެވެ.

މިއީ ރަށު ފެންވަރުގައި ކަސްރަތު ޕްރޮގްރާމްތައް ރާވައި، ކުރިއަށްގެންދާނެ ގޮތްތައް ކިޔައިދިނުމަށް އެމްއެންޑީއެފް ސެންޓްރަލް އޭރިއާ ކޮމާންޑުން ކުރިއަށްގެންދިޔަ ހަރަކާތެކެވެ.

އެ ރަށުގައި ބޭއްވި "ހަށިހެޔޮ ދުޅަހެޔޮ" ޕްރޮގްރާމުގެ ހަވާސާގައި ބޭއްވި މި ސެޝަންތަކުގައި ތ. އަތޮޅާއި ލ. އަތޮޅުގައި މަސައްކަތްކުރާ ޕޮލިޓިކަލް ޑައިރެކްޓަރުންނާއި ސްޕޯޓް ކައުންސިލަރުން ބައިވެރިވެލެއްވިއެވެ.

ޑިސެންބަރު 17 އަދި 18 ވަނަ ދުވަހު ކުރިއަށްގެންދިޔަ ސެޝަންތަކުގައި އެކި އުމުރުފުރާތަކަށް ހާއްސަކޮށްގެން، ކަސްރަތާއި މޫދު ކަސްރަތު ޕްރޮގްރާމްތައް ރާވައި، ކުރިއަށް ގެންދާނޭ ގޮތްތައް ވަނީ ކިޔަވައިދީފައެވެ.

މި ސެޝަންތަކުގައި ކިޔަވައިދިނީ އެމްއެންޑީއެފް ސެންޓްރަލް އޭރިއާ ކޮމާންޑުގައި މަސައްކަތްކުރާ ފިޒިކަލް ޓްރެއިނިންގ އިންސްޓްރަކްޓަރުންނެވެ.