ވައުދު ނުފުއްދާ، ގާނޫނުތަކަށް ތަބާ ނުވާ ވެރިން އެ މަގާމުތަކުން ދުރުކުރުމަށް ބާރުކޮށްލަން ޖެހޭ ކަމަށް ކުރީގެ ހޯމް މިިނިސްޓަރ އުމަރު ނަސީރު ވިދާޅުވެއްޖެއެވެ.

އެމަނިކުފާނު ވިދާޅުވީ ކޮންމެ ސަރުކާރަކުން ވެސް ވެރިކަން ކުރަނީ އޭރަކު އޮންނަ އެ ސަރުކާރަކަށް ރައްޔިތުންގެ މަޖިޖލީހުގެ ބޮޑު އަޣުލަބިއްޔަތެއް ލިބިގެން ކަމަށެވެ. އެގޮތުގެމަތިން މެމްބަރުން ތިބެނީ ސަރުކާރުން ވަރަށް ބޮޑަށް ބަނދެލާފައި ކަމަށް އުމަރު ވިދާޅުވިއެވެ.

"މިހާރު މިއޮތް ރައީސް މުއިއްޒުގެ ސަރުކާރުން އޮންނަނީ މި ސަރުކާރަށް ތާއީދުކުރާ މެމްބަރުން ބަނދެލާފަ. އިދިކޮޅު މެމްބަރުން ތިބެނީ އިދިކޮޅު ޕާޓީތަކުން ބަނދެލާފަ. މިއީ ރިޔާސީ ނިޒާމުގައި އެކަން އޮންނަގޮތެއް ނޫން." އުމަރު ވިދާޅުވިއެވެ.

މީގެއިތުރުން ދޮގުހަދާ އަދި ގާނޫނުތަކަށް ޢަމަލުނުކުރާ ވެރިން މަގާމުން ދުރުކުރުމަށް ބާރުކޮށްލަން ޖެހެނީ އެންމެ އިސްކުރެއް ކަމަށާއި އެއީ ރައްޔިތުންގެ މަޖިލިސް މެމްބަރު ފްރީކޮށްލުންކަން އުމަރު ފާހަގަކުރެއްވިއެވެ. އަދި މަލިލިސް މެންބަރުން ބަނދެލާފައި ތިބުމަކީ ބަރުލަމާނީ ނިޒާމުގެ ސިފައެއް ކަމަށް ވެސް އުމަރު ވިދާޅުވިއެވެ.