އެސްޓީއޯ ރަމަޟާން ބާޒާރު މިއަހަރުވެސް ފަށައިފިއެވެ.

ކޮންމެ އަހަރެއްގެ ވެސް ރަމަޟާން މަހަށް ހާއްސަކޮށްގެން ކުރިއަށްގެންދާ މި ބާޒާރުގައި މިއަހަރު ވެސް ބޮޑެތި އިނާމުތައް ވަނީ ހިމަނާފައެވެ.

އެސްޓީއޯ ޕީޕަލްސް ޗޮއިސް އިން ރަމަޟާން މަހަށް ހާއްސަކޮށްގެން ކުރިއަށް ގެންދިއުމަށް ހަމަޖެހިފައިވާ ި ބާޒާރުގައި ތަފާތު ގިނަ ޕްރޮމޯޝަން ހަރަކާތްތަކާއި އިނާމުތަކެއް ހިމެނޭއިރު، ޖަނަވަރީ 9 ން މާރޗު 31 ގެ ނިޔަލަށް މި ބާޒާރު ކުރިއަށްދާނެއެވެ.

ވިޔަފާރިކުރާ ފަރާތްތަކުގެތެރޭގައި އެންމެ މަގްބޫލް އެއް ސޭލަަށް މި ބާޒާރުވާއިރު، އެހެން އަހަރު ތަކެކޭ ވެސް އެއްގޮތަށް މިއަހަރުގެ ބާޒާރުގައި ވެސް އެސްޓީއޯ ޕީޕަލްސް ޗޮއިސް އާއި އަތޮޅުތެރޭގައި ހުރި އެ ކުންފުނީގެ ޕީޕަލްސް ޗޮއިސްގެ ފިހާރަތަކުން ހިތްގައިމު ގިނަ ޑިސްކައުންޓްތަކެއް ކަސްޓަމަރުންނަށް ލިބޭނެއެވެ.

އެގޮތުން ހޯމްއެޕްލަޔަންސް އައިޓަމްތަކުން 50 އިންސައްތަ އާހަމަައަށް ޑިސްކައުންޓް ލިބޭނެއެވެ. އަދި 500 ރުފިޔާ އިން މަތިން ކުރައްވާ ކޮންމެ ވިޔަފާރިއަކަށް ކޫޕަނެއް ލިބޭއިރު، ކޮންމެ ހަފްތާއަކު ނަސީބުވެރި ފަރާތަކަށް ގިފްޓް ހެމްޕަރ އެއް ދިނުމަށް ވެސް ވަނީ ހަމަޖެހިފައެވެ.

މިއަހަރުގެ ރަމަޟާން ބާޒާރުގެ އެންމެ ހާއްސަ ގްރޭންޑް ޕްރައިޒެއްގެ ގޮތުގައި ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި އެއް ފަރާތަކަށް 100،000 ރުފިޔާގެ ފައިސާގެ އިނާމު ވެސް ލިބޭނެއެވެ.

މީގެއިތުރުން މި ޕްރޮމޯޝަން ކުރިއަށްދާއިރު، އާއިލީ ހަވީރަކާއި އިންސްޓޯރ ހަރަކާތްތައް ވެސް ކުރިއަށް ގެންދިއުމަށް ވަނީ ހަމަޖެހިފައެވެ.