200 އަށްވުރެ ގިނަ ސިޔާސީ މުވައްޒަފުން ވަކި ކުރަން ނިންމައި، ރައީސް ޑރ. މުޙައްމަދު މުޢިއްޒު އެކަން އިއުލާން ކުރައްވައިފިއެވެ.

މީސްމިޑިއާގެ މަންސައެއް ކަމުގައިވާ 'އެކްސް' ކުރެއްވި ޕޯސްޓެއްގައި ވިދާޅުވީ މިއީ ހަރަދު ކުޑަކުރެއްވުމުގެގޮތުން އެޅުއްވި ފިޔަވަޅެއް ކަމަށެވެ. އެގޮތުން ސިޔާސީގޮތުން އައްޔަންކުރައްވާފައިވާ 228 ފަރާތެއް މަގާމުން ވަކިކުރުމަށް ނިންމާފައިވާ ކަމަށް ވިދާޅުވިއެވެ.

އެ ޕޯސްޓުގައި ވަނީ ކުރިއަށް އޮތް 15 ދުވަހުގެ ތެރޭގައި ސަރުކާރުގެ އެކި ވުޒާރާތަކުން ސިޔާސީ މަގާމުތަކުގައި ތިބި މުވައްޒަފުން ވަކިކުރަމުންދާނެ ކަމަށެވެ.

އޭގެތެރޭގައި 7 ސްޓޭޓް މިނިސްޓަރުންނާއި 43 ޑިޕިއުޓީ މިނިސްޓަރުންނާއި 109 ސީނިއަރ ޕޮލިޓިކަލް ޑިރެކްޓަރުން ހިމެނޭ ކަމަށް އެމަނިކުފާނު ވިދާޅުވިއެވެ. އަދި 69 ޕޮލިޓިކަލް ޑިރެކްޓަރުން ވެސް ވަކިކުރުމަށް ނިންމާފައިވާކަމަށް ވަނީ ވިދާޅުވެފައެވެ.

ރައީސް ޑރ. މުޢިއްޒު ވިދާޅުވީ ދައުލަތުގެ ބަޖެޓުން ކޮންމެމަހަކު 5.714 މިލިއަން ރުފިޔާ ސަލާމަތްވާނެ ކަމަށެވެ.

As part of the Economic Reform Agenda, as a direct cost cut down measure, I have today instructed to remove 228 political appointees from various government ministries within the next 15 days. This includes 7 State Ministers, 43 Deputy Ministers, 109 Senior Political Directors…

— Dr Mohamed Muizzu (@MMuizzu) October 15, 2024