ރާއްޖޭގައި ހަށިވިއްކަމުންދިޔަ ވިއެޓްނާމުގެ ދެ އަންހެނުން ޑީޕޯޓުކޮށްލައިފިއެވެ.

މޯލްޑިވްސް އިމިގްރޭޝަނުން ވިދާޅުވީ މިއީ ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީންނަށް އަމާޒުކޮށް އިމިގްރޭޝަނާއި ފުލުހުން ގުޅިގެން ކުރިއަށްގެންދިޔަ އޮޕަރޭޝަނެއްގައި ހައްޔަރުކުރި ދެ މީހުން ކަމަށެވެ.

އެގޮތުން ފުޅާދާއިރާއެއްގައި ހަށިވިއްކުމުގެ ވިޔަފާރި ކުރަމުންދިއަ 2 ބިދޭސީ އަންހެނަކު އިމިގްރޭޝަންގެ ބެލުމުގެ ދަށަށް ގެނެސްފައިވާއިރު، އޭގެތެެއިން އެކަކީ ވޯކް ވިސާގައި ރާއްޖޭގައި އުޅެމުންދިއަ މީހެއް ކަމަށާއި ދެވަނަ މީހާއަކީ ޓޫރިސްޓު ވިސާގައި ރާއްޖެ އައިސްފައިވާ މީހެއް ކަމަށް އިމިގްރޭޝަނުން ވިދާޅުވެއެވެ.

އެ އިދާރާ އިން ވިދާޅުވީ މި މައްސަލަ ތަހުގީގު ކުރުމަށްފަހު، މި ދެ މީހުން ވެސް ޑީޕޯޓުކޮށްފައިވާ ކަމަށެވެ.

އިމިގްރޭޝަނާއި ކަމާއިބެހޭ އިދާރާތައް ގުޅިގެން އަންނަނީ ރާއްޖޭގައި ގަވާއިދާ ހިލާފަށް މަސައްކަތް ކުރަމުންދާ ބިދޭސީންގެ މައްސަލަ ހައްލުކުރުމަށް މަސައްކަތް ކުރައްވަމުންނެވެ. އެގޮތުން 5000 އަށްވުރެ ގިނަ ބިދޭސީން ފައިބެއަހަރު ޑިޕޯޓްކޮށްފައިވާ ކަމަށް އިމިގްރޭޝަނުން ވިދާޅުވެފައި ވެއެވެ.