ލޯންޗަކުން ޖެހި އާޖެންޓީނާގެ ފަތުރުވެރިއަކު މަރުވެއްޖެއެވެ.

ދިވެހި ފުލުހުންގެ ހިދުމަތުން ހާމަކުރައްވާފައިވާ ގޮތުގައި މަރުވެފައިވަނީ އުމުރުން 55 އަހަރުގެ ފިރިހެން ފަތުރުވެރިއެކެވެ.

މި ހާދިސާ ހިނގާފައިވަނީ މިއަދު ހެނދުނު 10 ޖެހިއިރު، ރެޑިސަން ބްލޫ މޯލްޑިވްސް ބޭރު މޫދުގައި އެ ފަތުރުވެރިޔާ އުޅެނިކޮށް ކަމަށް ވެސް ފުލުހުން ވިދާޅުވެއެވެ. އަދި ފަތުރުވެރިޔާ ގައިގާ ޖެހިފައިވަނީ އައިކޮމް ގްރީން ނަމަކަށްކިޔާ ލޯންޗަކުން ކަމަށް ވަނީ ވިދާޅުވެފައެވެ.

ފުލުހުން ގެންދަނީ މި މައްސަލަ އިތުރަށް ތަހުގީގު ކުރަމުންނެވެ.