ސައުތު ކޭޓަރިންގެ މުވައްޒަފުންނަށް މުސާރަ ނުދޭ މައްސަލަ ފުލުހުންނަށް ހުށަހަޅައިފިއެވެ.

ދިވެހި ފުލުހުންގެ ހިދުމަތުން ވިދާޅުވީ ސައުތް ކޭޓަރިންގެ މުވައްޒަފުންތަކަކަށް ގަވާއިދުން މުސާރަ ނުދޭ މައްސަލަ އެ އިދާރާގެ ސަމާލުކަމަށް އައިސްފައިވާ ކަމަށެވެ. އަދި އެކަން ބަލަމުން އަންނަކަމަށެވެ.

އެހެންނަމަވެސް އެ މުވައްޒަފުންނަށް މުސާރަ ނުދީ އޮތީ ކިތައް މަސްކަމެއް ފުލުހުން ހާމައެއް ނުކުރައްވައެވެ.

ބައެއް މަސްދަރުތަކުން ބުނާ ގޮތުގައި 6 މަހުގެ މުސާރަ ނުދޭއިރު، 5 މަހުގެ މުސާރަ ނުދޭ ކަމަށް ވެސް ބައެއް ފަރާތްތަކުން ހާމަކުރެއެވެ.

ރާއްޖޭގެ ބައެއް ކުންފުނިތަކުން މުސާރަ ނުދޭ މައްސަލަ ބައެއްފަހަރަށް ފެންމަތިވަމުން އަންނައިރު، ދާދި ފަހުން ވެސް ވަނީ އެފަދަ މައްސަލައެއް ފެންމަތިވެފައެވެ. އަދި މިކަމާއިގުޅިގެން އިހުތިޖާޖުތައް ވެސް އަންނަނީ ކުރަމުންނެވެ.