ހެންވޭރު ގެެއެއްގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިޔު ސަރވިސް އިން ނިއްވާލައިފިއެވެ.

އެމްއެންޑީއެފް އިން ވިދާޅުވީ ހ. ހަމަރޯޅިގެއިން ދުން އަރާކަމުގެ މައުލޫމާތު އެ އިދާރާ އަށް ލިބިފައިވަނީ މޭ 27 ވަނަ ދުވަހުގެ ހަވީރު 4:36 ހާއިރު ކަމަަށެވެ. އަަދި އެ މައުލޫމާތު ލިބުމާއެކު އަލިފާން ނިއްވުމުގައި ހަރަކާތްތެރވާ ފަރާތްތަކުން އެ ސަރަހައްދަށް ދިޔަ ކަމަށެވެ.

އެ ގޭގެ ހަތަރުވަނަ ފަންގިފިލާގައި ހުރި ކޮޓަރިއެއްގައި އަލިފާން ރޯވެފައި ހުރުމުން އަލިފާން ނިއްވުމުގެ މަސައްކަތް ވަގުތުން ފަށައި، ހަވީރު 5:14 ގައި ނިއްވާލާފައިވާ ކަމަށް ވެސް ވިދާޅުވިއެވެ.

އެ އިދާރާ އިން ވިދާޅުވީ މި ހާދިސާގައި އެއްވެސް މީހަކަށް އަނިޔާވި ކަމުގެ މައުލޫމާތު ލިބިފައެއް ނުވާ ކަމަށެވެ.