ފެނަކަ ކޯޕަރޭޝަން ލިމިޓެޑުގެ މެނޭޖިންގ ޑިރެކްޓަރުގެ މަގާމަށާއި ޕަބްލިކް ސަރވިސް މީޑިއާ (ޕީއެސްއެމް) ގެ ޗެއަރޕާރސަން އަދި މެނޭޖިންގ ޑިރެކްޓަރުގެ މަގާމަށް އައު ބޭފުޅުން ހަމަޖައްސަވައިފިއެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ހަމަކުރައްވާފައިވާ ގޮތުގައި ފެނަކަ އެމްޑީގެ މަގާމަށް އައްޔަންކުރައްވާފައިވަނީ މޭޖަރ ރިޓަޔަރޑް މުޙައްމަދު ނަޖާޙް އެވެ. އަދި ޕީއެސްއެމް ބޯޑުގެ މެންބަރުކަމާއި ޗެއަރޕަރސަންގެ މަގާމަށް އައްޔަންކުރައްވާފައިވަނީ މ. ހަނީކޯމްބް، އާމިނަތު ނަމްޒާއެވެ.

އެމްއެންޑީއެފްގައި 21 އަހަރުވަންދެން ހިދުމަތްކުރައްވާފައިވާ މޭޖަރ ރިޓަޔަރޑް މުޙައްމަދު ނަޖާޙް ވަނީ ލޮޖިސްޓިކްސް މެނޭޖުމަންޓުގެ ދާއިރާ އިން މަތީ ތައުލީމް ހާސިލް ކުރައްވާފައެވެ.

ފެނަކައިގެ އެމްޑީގެ މަގާމުގައި ހުންނެވި މުއާޒު މުޙައްމަދު ރަޝީދު އެމަގާމުން އިސްތިއުފާ ދެއްވާފައިވަނީ ޑިސެމްބަރ 23 ވަނަ ދުވަހުއެވެ.