ރައީސް އޮފީހުގެ ތަރުޖަމާނު އަދި އެންސްޕާގެ ސީއީއޯ ހީނާ ވަލީދު ވައްކަން ނުކުރައްވާނެކަމުގެ ޔަގީންކަން އެބައޮތްކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އިބްރާހިމް ޝުޖާއު ވިދާޅުވެއްޖެއެވެ.

ޝުޖާއު މިފަދައިން ވިދާޅުވެފައިވަނީ އެންސްޕާގެ އައު އޮފީސް އިމާރާތް ހޯދުމަށް ހެދި އެއްބަސްވުމާއިގުޅުވައިގެން ހީނާއަކީ ވަގެއްކަމަށްބުނެ އިދިކޮޅު ފަރާތްތަކުން ދައްކަމުންދާ ވާހަކަތަކާއި ގުޅިގެންނެެވެ. އެ ފަރާތްތަކުން ދަނީ ހީނާ ވަލީދު އިސްތިއުފާ ދިނުމަށް ވެސް ގޮވާލަމުންނެވެ.

ދަ ޑިމޮކްރެޓްސްގެ ނައިބު ރައީސް މުޙައްމަދު ޝިފާޒު ވެސް ވިދާޅުވެފައިވަނީ ތިންބާރު ވަކިވެފައިވާ ދައުލަތް ހިންގުމުގެ ނިޒާމު މުޅިން ނެތިގޮސްފައިވާ ކަމަށް ވިދާޅުވެފައެވެ. އަދި ދައުލަތާއި ސަރުކާރު މިއީ ވައްކަމާއި ފޭރުމުގެ ހާއްޔެއްގެ ގޮތުގައި ސިފަވާންފެށުމަކީ އަމައްލަފުޅަށް ހީނާ ވަލީދު ވެސް ވިސްނަންވެއްޖެ ކަމެއް ކަމަށެވެ.

މީގެއިތުރުން މިވަގުތު ސަރުކާރާ ދައުލަތުގެ ހައްގުގައި ކަމަނާ އިސްތިއުފާދެއްވަންޖެހޭ ކަމަށް ވެސް ޝިފާޒު ވަނީ ވިދާޅުވެފައެވެ.

މި ވާހަކަތަކަށް ރިޔާއަތްކޮށް، ޝުޖާއު ހީނާ ވަލީދު ވައްކަމެއް ނުކުރާނެކަން އެއީ ސައްތައިން ސައްތަ ޔަގީންކަމެއް ކަމަށެވެ.

NSPA ގެ ސީ.އީ.އޯ @HeenaWaleed ވައްކަމެއް ނުކުރާނެ.އެއީ ސައްތައިން ސައްތަ އަޅުގަނޑަށް ޔަޤީން ވާކަމެއް.ހީނާ މާޔޫސްވެ އިސްދަށަށް ޖަހާނެ ކަމަށް MDPއާއި އެމީހުންނަށް ވާގިވެރިވާ ބޭފުޅުން ދެކުމަކީ ކުއްހީއެއް.ހީނާ އަކީ MDP ވެރިކަމުން ބާލަން އަޅުގަނޑުމެން ކުރި މަސައްކަތުގެ އެއްފަހުލަވާނު. pic.twitter.com/YQxCEyPqLq

— Ibrahim Shujau (@IbrahimShujaau) December 23, 2024