އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް) އިން ހައުސިންގ މިނިސްޓްރީއަަށް ޑަސްޓްބިން ހަދިޔާކޮށްފިއެވެ.

މިކަމަށްޓަކައި ބޭއްވި ހާއްސަ ރަސްމިއްޔާތެއްގައި އެ ހޮސްޕިޓަލުން ހައުސިންގ މިނިސްޓްރީ އަށް ހަދިޔާކޮށްފައިވަނީ 100 ޑަސްޓްބިންއެވެ. މިތަކެތި އެ މިނިސްޓްރީ އަށް މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމް އެވެ. އެ ތަކެއްޗާ ހަވާލުވެވަދައިގެންނެވީ މިނިސްޓަރ ޑރ. އަލީ ހައިދަރަށެވެ.

މި ރަސްމިއްޔާތުގައި އައިކެއަރ އޮޕްޓިކަލްގެ ފަރާތުން 100 ނޯޓް ފޮތް ވެސް ވަނީ މިނިސްޓްރީ އަށް ހަދިޔާކޮށްފައެވެ.

މި މަހުގެ 12 ވަނަ ދުވަހު މާލޭގައި ހިނގި އަލިފާނުގެ ހާދިސާގައި ހައުސިންގ މިނިސްޓްރީއާއި ކޮންސްޓްރަކްޝަން މިނިސްޓްރީ ހިންގަމުންދިޔަ އިމާރާތް ވަނީ އެއްކޮށް އަނދާފައެވެ. އަދި އެ އިމާރާތާ އިންވެގެން ހުރި އެންވަޔަރަމެންޓް މިނިސްޓްރީގެ ވެސް ބޮޑުބައެއް ވަނީ ބޭނުން ނުކުރެވޭ ވަރަށް އަނދާފައެވެ.

އެހެންވެ، ގެއްލުންވި މިނިސްޓްރީތަކުގެ މަސައްކަތްތައް މިހާރު ވަނީ ދަރުބާރުގޭގައި ފަށާފައެވެ.