އެޑިއުކޭޝަން މިނިސްޓްރީން ލޭ ހަދިޔާ ކުރުމުގެ ކޭމްޕެއް ބާއްވަން ނިންމައިފިއެވެ.

މިއީ އެ މިނިސްޓްރީގެ ރެކްރިއޭޝަން ކްލަބް ކަމަށްވާ ތައުލީމީ ގުޅުމާއި މޯލްޑިވިއަން ބްލަޑް ސަރވިސަސްއާ ގުޅިގެން ފަށާ ކޭމްޕެކެވެ.

އޮކްޓޯބަރ 30 ން 31 ގެ ނިޔަލަށް ކުރިއަށްދާ މި ކޭމްޕް އޮންނާނީ މެންދުރު 12 ން ފެށިގެން އިރުއޮއްސި 6:45 އަށެވެ.

މި ކޭމްޕުގައި ބައިވެރިވުމުގެ ފުރސަަތު ތައުލީމީ ދާއިރާގައި މަސައްކަތްކުރައްވާ ހުރިހާ ފަރާތްތަކަށް ވެސް ވަނީ ހުޅުވައިލާފައެވެ.

މި ޕްރޮގްރާމާ ގުޅޭގޮތުން މިނިސްޓްރީގެ މުވައްޒަފުންނަށް މައުލޫމާތު ސެޝަނެއް ކުރިއަށްގެންގޮސްފައިވާއިރު، މި ސެޝަންގައި، ލޭ ހަދިޔާ ކުރުމުގެ މުހިންމުކަމާ ގުޅޭ ގިނަ މައުލޫމާތުތަކެއް ވަނީ ހިއްސާކޮށްފައެވެ.