ރައީސް ޑރ. މުޙައްމަދު މުޢިއްޒު، ދެގައުމަކަށް ސަފީރުން އައްޔަން ކުރައްވައިފިއެވެ.

އައްޔަން ކުރައްވާފައިވަނީ ރާއްޖެއިން އިންޑިއާ އަދި ސަޢޫދީ ޢަރަބިއްޔާއަށް ކަނޑައަޅުއްވާ ސަފީރުގެ މަގާމަށެވެ.

އެގޮތުން ރިޕަބްލިކް އޮފް އިންޑިއާއަށް ރާއްޖެއިން ކަނޑައަޅުއްވާފައި ހުންނަވާ ސަަފީރުކަމަށް، ޢައްޔަން ކުރެއްވީ މާފަންނު ބީނާފުށި، އާއިޝަތު ޢަޒީމާއެވެ. އަދި އަލްމަމްލަކަތުލް ޢަރަބިއްޔަތުއްސުޢޫދިއްޔާއަށް ރާއްޖެއިން ކަނޑައަޅުއްވާފައި ހުންނަވާ ސަފީރުކަމަށް ޢައްޔަން ކުރެއްވީ މާފަންނު ވެސްޓްސައިޑް، އަޙްމަދު ސަރީރެވެ.

މަޖިލީހުން އަޒީމާއަށް ރުހުން ދީފައިވަނީ މި މަހުގެ 14ވަނަ ދުވަހު އިންޑިއާއަށް ކަނޑައަޅުއްވާ ސަފީރަކަށް އަޒީމާ އައްޔަން ކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަޖިލީހަށް ފޮނުއްވުމާ ގުޅިގެންނެވެ.

ރާއްޖޭން އިންޑިއާއަށް ކަނޑައަޅުއްވާފައި ހުންނަވާ ސަފީރަކަށް އާއިޝަތު އާޒިމާ އައްޔަން ކުރެއްވުމަށް މަޖިލީހުން ފާސްކޮށްފައިވަނީ 79 މެންބަރުންގެ ވޯޓުންނެވެ. އަދި ސަރީރު ހަމަޖެއްސުވުމަށް ފާސްވީ ވޯޓުގައި ބައިވެރިވެވަޑައިގެންނެވި 86 މެންބަރުންގެ ވޯޓުންނެވެ.