ހަފްތާ 52 ގެ ކާމިޔާބީތަކާ ގުޅިގެން އިޖުތިމާޢީ އަދި ޢާއިލީ ތަރައްޤީއާ ބެހޭ ހާއްސަ އާއިލީ ހަވީރެއް ބާއްވައިފިއެވެ.

"ބަދަހި ޢާއިލާ - އުފާވެރި މުޖުތަމަޢު"، މިޝިއާރުގެ ދަށުން 16 ނޮވެމްބަރ ވީ ހޮނިހިރު ދުވަހު މި ހަވީރު ބާއްވާފައިވަނީ ހުޅުމާލޭގައެވެ.

މި ހަވީރުގެ މަގްސަދަކީ އާއިލީ މާހައުލެއްގައި، އެ ވުޒާރާއިން ފާއިތުވި އަހަރުގެ ތެރޭގައި ކުރެވުނުމަސައްކަތްތަކުން ހާސިލުކުރެވުނު ކާމިޔާބީތައް ރައްޔިތުންނާއި ހިއްސާކުރުމެވެ. އަދި އަންހެނުންނާއި، ކުޑަކުދިންނާއި، ނުކުޅެދުންތެރިކަން ހުންނަ ފަރާތްތަކާއި އަދިއިސްރަށްވެހިންނަށް އަމާޒުކޮށްކޮށްގެން ކުރިއަށް ގެންދެވުނު މަސައްކަތްތަކާއި އެވުޒާރާއިން ފޯރުކޮށްދެމުން އަންނަ ހިދުމަތްތަކުގެ މައުލޫމާތު ރައްޔިތުންނަށް ފޯރުކޮށްދިނުމެވެ.

ހަވީރު 4 ން އިރުއޮއްސި 6 ޖަހަންދެން ކުރިއަށްގެންދިޔަ މި ހަވީރުގައި ތަފާތު ގޭމް ސްޓޯލްތަކާއި، ބައުންސިންގ ކާސަލްއާއި ކާބޯތަކެތީގެ ސްޓޯލްތައް ވަނީ ބަހައްޓާފައެވެ. އަދި ތަފާތު މެސްކޮޓްތަކުގެ ހަރަކާތްތައް ވެސް ކުރިއަށް ގެންދިޔައެވެ.

އާއިލީ ހަވީރުގައި އެވުޒާރާއާއެކު އިސްކޮށް ހަރަކާތްތެރިވީ ޓްރާންސްޕޯޓު މިނިސްޓްރީއެވެ. އަދި އުރީދޫއާއި، ޕެންޝަން އޮފީހާއި ދިވެހި ފުލުހުންގެ ހިދުމަތުގެ އެހީތެރިކަން ވެސް ވަނީ ލިބިފައެވެ.

މީގެއިތުރުން އެންސްޕާ، ފެމިލީ ޕްރޮޓެކްޝަން އޮތޯރިޓީން ވެސް މި ހަވީރުގައި ބައިވެރިވެފައި ވެއެވެ.

މހަވީރުގައި އެ ވުޒާރާއިން ފާއިތުވި އެއް އަހަރުގައި ހާސިލުކުރެވިފައިވާ ކާމިޔާބީތައް ހިމެނޭ ބުކްލެޓް ލޯންޗް މިނިސްޓަރ ޑރ. ޢާއިޝަތު ޝިހާމް ލޯންޗުކޮށްދެއްވާފައެވެ.