އެޗްޑީސީ އިން ވަކިކުރި މުވައްޒަފުންގެ ވަޒީފާ އިއާދަކޮށް، ސަސްޕެންޝަނަށް

11 hours ago

އަފްރާހް

ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) ގެ ވަޒީފާއިން ވަކިކުރި މުވައްޒަފުންގެ ވަޒީފާ އިއާދަކޮށްފިއެވެ.


އެމްޑީޕީ ސަރުކާރުން ކުރިއަށްގެންދިޔަ ގެދޮރުވެރިޔާ އަދި ބިންވެރިޔާ ސްކީމުގެ މައްސަލައިގައި ޖިނާއީ ތަހުގީގެއް ހިންގަން ޕްރޮސިކިއުޓަރ ޖެނެރަލް އައްބާސް ޝަރީފު އަމުރުކުރެއްވުމާ ގުޅިގެން މައްސަލައިގެ ތަހުގީގަށް މަގުފަހިކުރުމުގެ ގޮތުން އެ ކުންފުނީގެ 15 މުވައްޒަފުން ވަނީ ވަޒީފާއިން ވަކިކޮށްފައެވެ. އެއީ މި މަހުގެ 22 ވަނަ ދުވަހުއެވެ.


އެ މުވައްޒަފުންގެ ވަޒީފާ އިއާދަކުރިނަމަވެސް މައުލޫމާތު ލިބިފައިވާގޮތުގައި އެމީހުން ތިބީ ސަސްޕެންޝަނުގައެވެ.


ބިންވެރިޔާ ސްކީމުގެ އުސޫލާ ހިލާފަށް ގޯތިދިން ކަމަށް ތުހުމަތުވާ މައްސަލައެއް ފެންމަތިވެ، ފުލުހުންނާއި އޭސީސީން އަންނަނީ އެ މައްސަލަ ތަހުގީގުކުރަމުންނެވެ. އަދި އެ މައްސަލައާ ގުޅިގެން އެ ކުންފުނީގެ ޗެއަރމަން އަހްމަދު ނާސިފް ފިޔަވައި، އެ ބޯޑުގެ ހުރިހައި ބޭފުޅުން ވެސް ސަސްޕެންޑު ކުރިއެވެ.


އެހެންނަމަވެސް އައު އެމްޑީއެއް އައްޔަންކުރުމާއެކު ބޯޑު މެންބަރުންގެ ސަސްޕެންޝަން ވަނީ އުވާލާފައެވެ.


ކިޔުންތެރިންގެ ހިޔާލު