މޯލްޑިވްސް އިންޓަގްރޭޓެޑް ހެލްތު އިންފޮރމޭޝަން ސިސްޓަމް (މިހިސް) ޕަބްލިކް ޕޯޓަލް އިފްތިތާހުކޮށްފިއެވެ.

މިއީ ތުއްތުއިރުން ފެށިގެން ކުއްޖާގެ ސިއްހަތާއި ގުޅުންހުރި ހުރިހައި މައުލޫމާތެއް އެއްތަނަކުން ލިބޭގޮތަށް ފަރުމާކޮށްފައިވާ ޕަބްލިކް ޕޯޓަލެކެވެ.

ހެލްތު މިނިސްޓްރީ އާއި ޑަބްލިއުއެޗްއޯ ގުޅިގެން ތަރައްގީކޮށްފައިވާ މި ޕޯޓަލް އިފްތިތާހުކޮށްދެއްވީ ރާއްޖޭގެ ހެލްތު މިނިސްޓަރ އަބްދުﷲ ނާޒިމް އިބްރާހިމްއެވެ.

މިހިސް ޕޯޓަލުން އަންނަ ޖަނަވަރީ މަހުގެ ފުރަތަމަ ދުވަހުން ފެށިގެން އުފަންވާ ކޮންމެ ކުއްޖެއްގެ ވެކްސިން މައުލޫމާާތާއި ދެވޭ ވިޓަމިން އޭ އަދި ފަނިބޭހުގެ މައުލޫމާތާއި ހެދިބޮޑުވުމުގެ ޗާޓުގެ މައުލޫމާތު ލިބެން ހުންނާނެއެވެ.

މީގެއިތުރުން މި ޕޯޓަލްގެ ޒަރިއްޔާއިން ބެލެނިވެރިންނަށް ކުއްޖާ ހެދިބޮޑުވަމުންދާ މިންވަރު މޮނިޓަރ ވެސް ކުރެވޭނެއެވެ. އަދި ކުއްޖާއަށް ވެކްސިން ޖަހަންޖެހޭ ދުވަސް ކައިރިވުމުން ސިސްޓަމް މެދުވެރިކޮށް ބެލެނިވެރިޔާއަށް އެސްއެމްއެސްގެ ޒަރިއްޔާއިން ނޮޓިފިކޭޝަން ފޮނުވޭގޮތް ވެސް ވަނީ ގާއިމުކޮށްފައެވެ.