އިންޓަރނޭޝަނަލް ކެރަމް ފެޑެރޭޝަން (އައިސީއެފް) ގެ ނައިބު ރައީސްގެ މަގާމަށް ރާއްޖޭގެ ހުސެއިން ރައުޝާން އިންތިހާބުކޮށްފިއެވެ.

ކެރަމް އެސޯސިއޭޝަން އޮފް މޯލްޑިވްސްގެ ޖެނެރަލް ސެކްރެޓަރީގެ މަގާމު ވެސް ފުރުއްވަމުން ގެންދަވާ ރައުޝަން އެ މަގާމަށް އިންތިހާބުކުރައްވާފައިވަނީ އެމެރިކާގެ ކެލިފޯނިއާ ސްޓޭޓުގެ ސެން ފްރެންސިސްކޯ ބޭ އޭރިއާގައި މިހާރު ކުރިއަށްދާ ހަވަނަ ކެރަމް ވަރލްޑް ކަޕުގެ ހަވާސާގެ ތެރެއިންނެވެ.

ނޮވެމްބަރ 16 ވަނަ ދުވަހު ބޭއްވި އައިސީއެފްގެ ކޮންގްރެސްގައި އޭނާ އެ މަގާމަށް އިންތިހާބުކޮށްފައިވާއިރު، މިއީ ހަތަރު އަހަރުގެ މަގާމެވެ. އަދި ރައުޝަން ވެފައިވަނީ އައިސީއެފްގެ ނައިބު ރައީސްގެ މަގާމު ފުރުއްވާނެ އެންމެ އުމުރުން ހަގު ފަރާތަށް ވެސް މެއެވެ.

ރައުޝަން ކެރަމްގެ ތެރެއަށް ވެންނެވީ 2013 ވަނަ އަހަރުގެ އިންޓަރ ސްކޫލް މުބާރާތުގައި ކުޅުންތެރިއެއްގެ ގޮތުގައެވެ. އަދި ޖެހިގެން އައި 2014 ވަނަ އަހަރު ރާއްޖޭގައި ބޭއްވި ކެރަމް ވަރލްޑް ކަޕުގައި އަމްޕަޔަރެއްގެ ގޮތުގައި ވެސް ވަނީ މަސައްކަތް ކުރައްވާފައެވެ.

އެ މުބާރާތުގެ ފައިނަލް މެޗުގައި ވެސް އިންސާފުކުރައްވާފައިވަނީ ރައުޝަން، ރާއްޖޭގެ ކެރަމް އެސޯސިއޭޝަންގެ ޖެނެރަލް ސެކްރެޓަރީގެ މަގާމަށް އައްޔަންކުރައްވާފައިވަނީ 2019 ވަނަ އަހަރުގެ ތެރޭގައެވެ.

'އޮއިވަރު' ގެ ކިޔުންތެރިންނާއި މުވައްޒަފުން އަދި މެނޭޖުމެންޓުގެ ފަރާތުން ރައުޝަން އަށް ވަރަށް ހޫނު މަރުހަބާއެއް ކިޔަމެވެ.