މޫސުމާއިބެހޭ ގައުމީ އިދާރާ އިން ރާއްޖޭގެ މޫސުން ގޯސްވުމުގެ ސަބަބުން ދެ ސަރަހައްދަކަށް ދެ ސަމާލު ނެރެފިއެވެ.

އެގޮތުން ބ. އަތޮޅުން ފެށިގެން ވ. އަތޮޅާއި ހަމައަށް ރީނދޫ ސަމާލު ނެރެފައިވާއިރު، ވ. އަތޮޅުން ފެށިގެން އައްޑޫ ސިޓީ އާ ހަމައަށް ވަނީ ހުދު ސަމާލު ވެސް ނެރެފައެވެ.

އެ އިދާރާ އިން ލަފާކޮށްފައިވާ ގޮތުގައި އެ ސަރަހައްދުތަކަށް ބޯކޮށް ވާރޭވެހި، ގުގުރުން އެކަށީގެން ވެއެވެ.

އަދި ވިލާގަނޑުގައި ގަޑިއަކު 45 މޭލަށް ވައިގަދުވުން ވެސް އެކަށީގެންވާކަމަށް ވަނީ ލަފާކޮށްފައެވެ.

މީގެއިތުރުން މުޅި ރާއްޖެއަށް ވެސް 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެކަމަށާއި ވިލާގަނޑުގައި ގަޑިއަކު 35 މޭލަށް ވައި ގަދަވާނެ ކަމަށް ވެސް ވަނީ ލަފާކޮށްފައެވެ.