ހިނގުމުގައި ނުކުޅެދުންތެރިކަން ހުންނަ ކުއްޖެއްގެ ވީލްޗެއަރ ގެއްލިގެން، އެ ހޯދުމަށް އާންމުންގެ އެހީތެރިކަމަށް އެދިއްޖެއެވެ.

ގެއްލިފައިވަނީ އަލީފް ނަމަކަށް ކިޔާ ކުއްޖެއްގެ ވީލްޗެއަރ އެވެ. އަލީފް އަކީ ނުކުޅެދުންތެރިކަމެއް ހުރިނަމަވެސް ހިތްވަރުގަދަ، އަދި އެންމެން ވެސް ދަންނަކުއްޖެކެެވެ. އަދި އަލީފު އަންނަނީ ތަފާތުއެކި ހަރަކާތްތަކުގައި ވެސް ބައިވެރިވެ، އެހެންކުދިންނަށް ނަމޫނާ ވެސް ދައްކަމުންނެވެ.

މީސްމީޑިއާގައި ދައުރުވަމުންދާ ޕޯސްޓެއްގައި ވަނީ ވީލްޗެއަރ ގެއްލިފައިވަނީ މިއަދު މެންދުރުފަހު 2:45 ހާއިރު، އެމީހުން ދިރިއުޅޭ ގޭގެ ސިޑި ކައިރީގައި ހުއްޓާ ކަމަށެވެ. އަލީފުމެންގެ ގެ ހުންނަނީ މާފަންނު އެލްސިއޯން ބޭކަރީ ކައިރީގައެވެ.

އަލީފުގެ އާއިލާ އިން ވަނީ އެ ގޮނޑި ފެނިއްޖެނަމަ، އެކަން ވީހާ ވެސް އަވަހަކަށް އަންގައި ދިނުމަށް އެދިފައެވެ.