އައްޑޫ ސިޓީގައި ކުރިއަށް ގެންދިޔަ އިމާމުން ތަމްރީން ކުރުމުގެ ޕްރޮގުރާމް ނިންމައި، ބައިވެރިންނަށް ސެޓްފިކެޓް ދީފިއެވެ.

މިއީ އިމާމުން ތާޒާކުރުމަށް އިސްލާމިކް މިނިސްޓްރީން ކުރިއަށް ގެންދާ ބޮޑު މަޝްރޫއެކެވެ.

މިކަމަށްޓަކާ ޑިސެމްބަރ 4 ވަނަ ދުވަހުގެ ރޭ އައްޑޫ ސިޓީގައި ކުރިއަށްދިޔަ ރަސްމިއްޔާތުގައި އިސްލާމީ މަރުކަޒުގެ އިސް އިމާމު ފަޟީލައްތުއްޝައިޚް މުޙައްމަދު ލަޠީފް ވަނީ ބައިވެރިވެލައްވާފައެވެ.

އެ ސިޓީގައި ކުރިއަށް ގެންދިޔަ އިމާމުން ތަމްރީން ކުރުމުގެ ޕްރޮގުރާމުގައި 68 އިމާމުން ވަނީ ބައިވެރިވެލައްވާފައެވެ.

މި މަޝްރޫއުގެ ދަށުން މިއަހަރު މިހައިތަނަށް 19 އަތޮޅެއްގައި އިމާމުން ތަމްރީން ކުރުމުގެ ޕްރޮގުރާމް ކުރިއަށް ގެންގޮސް، 804 އިމާމުން ވަނީ ތަމްރީންވެފައެވެ.

އިމާމުން ތަމްރީންކުރުމާއި، އިމާމުންނަށް އިތުރު ތައުލީމާއި ތަޖުރިބާގެ ފުރުސަތުތައް ހޯދައިދިނުމަކީ އެ މިނިސްްޓްރީން ވަރަށް އިސްކަމެއް ދެއްވައިގެން ކުރަމުން އަންނަ ކަމެއްކަން ފާހަގަކޮށްލެވެއެވެ.