އިނގިރޭސި ވިލާތުން ރާއްޖެއަށް ކަނޑައަޅުއްވާފައިވާ ސަފީރު، ހާރ އެކްސެލެންސީ، ކެރޮން ރޮސްލާ، ހަޔަރ އެޑިއުކޭޝަން މިނިސްޓަރ ޑރ. މަރްޔަމް މާރިޔާގެ އަރިހަށް ވަދާއީ ޒިޔާރަތެއް ކުރައްވައިފިއެވެ.

މިނިސްޓްރީގައި ބޭއްވި މި ބައްދަލުކޮށްލުމުގައި މިނިސްޓަރ ވަނީ އިނގިރޭސި ސަފީރު، ހާރ އެކްސެލެންސީ، ކެރޮން ރޮސްލާ، ގެ މޭސްތިރިކަމުގައި ރާއްޖެއާއި އިނގިރޭސި ވިލާތާއި ދެމެދު އޮންނަ ގުޅުން އިތުރަށް ބަދަހިކުރެއްވުމަށް ކުރެއްވެވި މަސައްކަތް ފުޅު ފާހަގަކުރައްވާ ޝުކުރު އަދާކުރައްވަވާފައެވެ.

ހާއްސަކޮށް މަތީތައުލީމުގެ ފުރުސަތުތަށް ދިވެހިންނަށް ފަހިކޮށް ދެއްވުމަށް ގުޅިގެން ކުރެއްވި މަސައްކަތްޕުޅުތައް ފާހަގަ ކުރައްވާ ޝުކުރު އަދާކުރެއްވިއެވެ.

އިނގިރޭސި ވިލާތުންވަނީ "ޝިވްނިންގ/މޯލްޑިވިސް ސްކޮލަރޝިޕް"ގެ ދަށުން، އިނގިރޭސި ވިލާތް (ޔޫކޭ) ގެ ހަރަދުގައި ދިވެހި ހަތަރު ދަރިވަރުންނަށް ޔޫކޭ ޔުނިވަރސިޓީތަކުގައި މާސްޓަރސް ޕްރޮގްރާމް ފުރިހަމަކުރުމުގެ ފުރުސަތު ދެއްވާފައެވެ.

މީގެއިތުރުން ވެސް މަތީތައުލީމްގެ ގިނަ ފުރުސަތުތަކެއް ވަނީ އިތުރުވެގެން ގޮސްފައެވެ.