ނުކުޅެދުންތެރިކަން ހުންނަފަރާތެއް ކަމުގައިވާ މ. ހިޔާވަހިގެއާގެ އަހްމަދު އަލީފްގެ ވީލްޗެއަރ ފެނިއްޖެއެވެ.

އޭނާގެ ވީލްޗެއަރ ގެއްލުނީ ޑިސެމްބަރ 4 ވަނަ ދުވަހުގެ މެންދުރުފަހު 2:45 ހާއިރު، އެމީހުން ދިރިއުޅޭ ގޭގެ ސިޑި ކައިރީގައި ހުއްޓައެވެ.

މިކަމާއި ގުޅިގެން 'އޮއިވަރު' އަށް މައުލޫމާތު ލިބިފައިވާ ގޮތުގައި އަލީފްގެ ވީލްޗެއަރ މިހާރުވަނީ އޭނާ އާ ހަވާލުކޮށްފައެވެ. އެހެންނަމަވެސް މިކަމުގެ އިތުރު މައުލޫމާތެއް ލިބޭގޮތެއް އަދިނުވެއެވެ. އެއީ ދިވެހި ފުލުހުންގެ ހިދުމަތަށް ވެސް ހުށަހަޅައި، އެ އިދާރާ އިން ބަލަމުން ގެންދާ މައްސަލައަކަށް ވާތީއެވެ.

އަލީފްގެ ވީލްޗެއަރ ގެއްލުމުން ވީލްޗެއަރ އެސޯސިއޭޝަން އޮފް މޯލްޑިވްސް އިން އެކަން ކުށްވެރިކޮށް ނެރުނު ބަޔާނުގައި އެ އެސޯސިއޭޝަންގެ ޗެއަރޕާރސަން އަޙްމަދު ނަޖީބު ވިދާޅުވީ ބައިނަލްއަގްވާމީ ނުކުޅެދުންތެރިކަން ހުންނަފަރާތްތަކުގެ ދުވަސް ފާހަގަކޮށް ނިމިގެން ދިޔަތާ 24 ގަޑިއިރު ނުވަނީސް ނުކުޅެދުންތެރިކަން ހުރި ކުއްޖެއް ކަމުގައިވާ މ. ހިޔާވަހިގެއާގެ އަލްއަޚް އަހްމަދު އަލީފްގެ ވީލްޗެއަރ ގެއްލިފައިވާ ކަމުގެ ޚަބަރު ލިބިގެން ދިއުމަކީ ވީލްޗެއަރ އެސޯސިއޭޝަނުން ކަންބޮޑުވާކަމެއް ކަމުގައެވެ.

"ނުކުޅެދުން ތެރިކަން ކަންހުންނަފަރާތްތަކަށް ހިމާޔަތާއި، ރަށްކާތެރިކަން ކަށަރުކޮށްދޭން ޖެހިފައިވާކަން އެނގިތިބެ، ޖިސްމާނީ ނުކުޅެދުންތެރިކަން ހުރި ފަރާތެއްގެ ވީލްޗެއަރ ގެއްލިގެން (ވަގަށްގެންދިއުން) އެންމެ ހަރުކަށި އިބާރާތުން ކުއްވެރިކުރަން." ނަޖީބު ވިދާޅުވިއެވެ.

މީގެއިތުރުން ނުކުޅެދުންތެރިކަން ހުންނަފަރާތްތަކަށް ދޭން ޖެހޭ ސަލާމަތާއި، ރައްކާތެރިކަން ކަށަވަރު ކޮށްދިނުމަން ކަމާބެހޭ އެންމެހައި އިދާރާތަކަށް އޭނާ ވަނީ ގޮވާލައްވާފައެވެ.

އަލީފް އަކީ ނުކުޅެދުންތެރިކަމެއް ހުރިނަމަވެސް ހިތްވަރުގަދަ، އަދި އެންމެން ވެސް ދަންނަކުއްޖެކެެވެ. އަދި އަލީފު އަންނަނީ ތަފާތުއެކި ހަރަކާތްތަކުގައި ވެސް ބައިވެރިވެ، އެހެންކުދިންނަށް ނަމޫނާ ވެސް ދައްކަމުންނެވެ.