ނޭބަރހުޑް ޕޮލިސްގެ ފަރާތުން ވީލްޗެއަރ އެސޯސިއޭޝަނާ ބައްދަލުކޮށް، މަޝްވަރާކޮށްފިއެވެ.

ޑިސެމްބަރ 5 ވީ ބުރާސްފަތި ދުވަހު ބޭއްވި މި ބައްދަލުވުމުގައި ނުކުޅެދުންތެރިކަން ހުންނަފަރާތްތަކަށް ދިމާވާ އެކިކަހަލަ ކަންކަމުގައި އެހީތެރިވެ އެއްބާރުލުން ދޭނޭ ކަންކަމާ ގުޅޭގޮތުން މަޝްވަރާކޮށްފައި ވެއެވެ. އެކްސެސިބަލް އާއި މަގުމަތީގެ ސަލާމަތާއި ރައްކާތެރިކަމާއިގުޅޭ ގޮތުން ވެސް ވަނީ މަޝްވަރާކޮށްފައެވެ.

މީގެއިތުރުން އެހީތެރިވެދޭންޖެހޭ ހާލަތްތަކާއި ބެހޭގޮތުން ވެސް މައުލޫމާތު އޮޅުންފިލުވާފައި ވެއެވެ. އަދި ކުރިޔަން އޮތްތަނުގައި ވެސް ވީލްޗެއަރ އެސޯސިއޭޝަނާއި ގުޅިގެން ނޭބަރހުޑް ޕޮލިސްގެ ފަރާތުން އެކި ކަހަލަ ކަންކަން ކުރިއަށް ގެންދާނެކަން ފާހަގަކުރިއެވެ.

މޯލްޑިވްސް ޕޮލިސް ސަރވިސަސް، ހުޅުމާލެ ފޭސް 2 ޕޮލިސް އަދި ނޭބަރހުޑް ޕޮލިސް އާއެކު ބޭއްވި މި ބައްދަލުވުމުގައި ވީލްޗެއަރ އެސޯސިއޭޝަންގެ ފަރާތުން ބައިވެރިވީ ޗެއަރޕާރސަންއަކަށް އަޙްމަދު ނަޖީބުއާއި ވައިސް ޗެއަރޕާރސަން ޙައްވާ މިޒުނާއެވެ.