މާލޭގެ އެއްގަމު ތޮށި މަރާމާތު ކުރުމުގެ މަސައްކަތުގެ ޑީޓެއިލް ޑިޒައިން ހެދުމަށް ހަވާލުކޮށް، އެއްބަސްވުމުގައި ސޮއިކޮށްފިއެވެ.

މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރު އިބްރާހިމް ތައާމް މުހައްމަދެވެ. ކޮންސަލްޓަންޓް ޓީމުގެ ފަރާތުން ސޮއިކުރެއްވީ ޗީފް ކޮންސަލްޓަންޓް ހިރޯމީ ނަމިކީއެވެ.

ޖަޕާން ސަރުކާރުގެ އިކޮނޮމިކް އެންޑް ސޯޝަލް ޑިވެލޮޕްމަންޓް ޕްރޮގްރާމުގެ ދަށުން ކުރިއަށް ގެންދާ "ޑިޒާސްޓަރ ރެޒިލިއަންސް އެންހޭންސްމަންޓް އިން މާލެ އައިލެންޑް" އެ މަޝްރޫއަށް ޖަޕާން ސަރުކާރުން ރާއްޖެއަށް 2.1 މިލިއަން ރުފިޔާ ވަނީ ހަދިޔާކޮށްފައެވެ.

އެކަމުގެ ފަހުމުނާމައިގާ ރާއްޖެއާއި ޖަޕާން ސަރުކާރާ ދެމެދު ސޮއިކުރީ މިދިޔަ ސެޕްޓެމްބަރު މަހުގެ ތެރޭގައެވެ.

މި އެއްބަސްވުމުގެ ދަށުން އަންނަ އަހަރުގެ ފުރަތަމަ ކުއާޓަރަރ އާ ހަމައަށް ޑިޒައިނިންގ ފޭސް ނިންމުމަށް ރާވާފައިވާ ކަމަށް ކޮންސްޓްރަކްޝަން މިނިސްޓްރީން ވިދާޅުވެއެވެ.