"ޕްލަސް ގޯލްޑް ކަޕް 2024" ފުޓްބޯޅަ މުބާރާތުގެ ގްރޫޕް އޭ ގައި ހއ. ދިއްދޫ އާއި ދ. މީދޫ ބައްދަލުކުރި މެޗް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދު ޝަރަފުވެރިކޮށްދެއްވައިފިއެވެ.

ގަލޮޅު ރަސްމީ ދަނޑުގައި މި ދެޓީމު ބައްދަލުކުރި މެޗް ނިމުނީ 2 – 2 އިން އެއްވަރު ވެގެންނެވެ. އެ މެޗަށް ފަހު "މޭން އޮފް ދަ މެޗް" ގެ މަގާމަަށް ހޮވުނު ކުޅުންތެރިޔާއަށް އެކަމަނާ ވަނީ ޓްރޮފީ ހަވާލުކޮށްދެއްވާފައެވެ.

މި މުބާރާތަކީ މުޅި ރާއްޖެއަށް ހުޅުވާލައިގެން އަމިއްލަ ފަރާތަކުން ރާވާ ހިންގާ ފުޓްބޯޅަ މުބާރާތެކެވެ. މިދިޔަ މަހުގެ 20 ގައި ފެށުނު މި މުބާރާތުގައި 17 ޓީމަކުން ވާދަކުރެއެވެ.