އިލެކްޝަންސް ކޮމިޝަންގެ ކުރީގެ ރައީސް ފުއާދު ތައުފީގު، ފޮރިން މިނިސްޓްރީގެ އެމްބެސެޑަރ އެޓް ލާޖުގެ މަގާމަށް ހަމަޖައްސައިފިއެވެ.

ފުއާދު ވަނީ "އޮއިވަރު' އަށް އެކަން ކަށަވަރުކޮށްދެއްވާފައެވެ.

އެ މަގާމަށް ފުއާދު ހަމަޖެއްސިއިރު، ރާއްޖެއިން ތައިލެންޑަށް ކަނޑައަޅާ ސަފީރުގެ މަގާމަށް އެމަނިކުފާނު ހަމަޖެއްސުމަށް ރައްޔިތުންގެ މަޖިލީހުގެ ޚާރިޖީ ގުޅުންތަކާ ބެހޭ ކޮމިޓީން ވަނީ ފާސްކޮށްފައެވެ. އެގޮތަށް ފާސްކުރީ މި ދިޔަ ނޮވެމްބަރ މަހުގެ 26 ވަނަ ދުވަހުއެވެ.

ފުއާދު ފޮރިން މިނިސްޓްރީގެ އެމްބެސެޑަރ އެޓް ލާޖުގެ މަގާމަށް ހަމަޖެއްސެވީ ނޮވެމްބަރ މަހުގެ 24 ވަނަ ދުވަހުއެވެ. އަދި އެ ވަޒީފާއަށް ފުއާދު މިހާރުގެންދަވަނީ ނުކުންނަވަމުންނެވެ.

ބައެއް މަސްދަރުތަކުން ހާމަކުރާ ގޮތުގައި އެ މަގާމަށް ފުއާދު ހަމަޖެއްސެވީ ވަގުތީގޮތުންނެވެ.