ގއ. ދާންދޫގެ މަގުމަތީގައި ވެއްޓިފައި އޮތް މީހަކު ފެނިގެން ދިވެހި ފުލުހުންގެ ހިދުމަތަށް ރިޕޯޓުކޮށްފައިވާކަމަށް އެ އިދާރާ އިން ވިދާޅުވެއްޖެއެވެ.

އެ އިދާރާ އިން ވިދާޅުވީ އެމީހާ ވެއްޓިފައި އޮތީ އެރަށު ފެނަކަ ބުރާންޗް ހުޅަނގު ފަރާތު މަގުމައްޗަަށް ކަމަށެވެ. އަދި ވެއްޓިފައި އޮތީ، ދާންދޫ، ނަގަހެލަ، އަހުމަދު އަބުދުﷲ ކަމަށާއި އޭނާއަކީ އުމުރުން 33 އަހަރުގެ މީހެއް ކަމަށް ވެސް ފުލުހުން ވިދާޅުވިއެވެ.

ފުލުހުން އިތުރަށް ވިދާޅުވީ އޭނާ އެރަށު ހެލްތު ސެންޓަރަށް ގެންދިޔަ އިރުވެސް ނިޔާވެފައިވާ ކަމަށް ހެލްތު ސެންޓަރުން މައުލޫމާތު ދީފައިވާ ކަމަށެވެ.

މި މައްސަލަ މިހާރުގެންދަނީ އިތުރަށް ތަހުގީގު ކުރަމުންނެވެ.